TIRANE- Të gjithë mësuesit do t’i nënshtrohen provimit të kualifikimit. Udhëzimi i Ministrisë së Arsimit përcakton se provimi do të zhvillohet në 18 prill, dhe do t’i nënshtrohen mësuesit që janë të punësuar si në shkollat publike dhe ato private.

Kategoritë që do të testohen janë, kandidatët me diplomë mësuesie dhe kandidatët pa diplomë mësuesie, por me arsim të  lartë që japin lëndët profesionale dhe kanë kontratë pune individuale. Provimi do të mbështetet në programet orientuese të miratuara nga Instituti për Zhvillimin e Arsimit. Gjithashtu IZHA do të merret dhe me hartimin e testeve të cilët duhet të bazohen ne modelet e mëposhtme.