Meta bashkëbisedim me qytetarët: Më votoni që të ndalim shpopullimin

Kryetari i Partisë së Lirisë, ilri Meta zhvilloi sot një  bashkëbisedim online me qytetarë ku u pyet për programin e tij. Sipas Metës, për të ndalur emigrimin duhet që të gjithë të votojnë atë.

‘Ju e dini që ata që Rama ka blerë janë përpara drejtësisë në SHBA dhe do të jenë kudo tjetër. Ne jemi këtu që të japim llogari. Në jemi këtu për të respektuar Kushtetutën e vendit tonë dhe parimet e saj demokratike. Dhe jo të nëpërkëmbim vullnetin tuaj dhe sovranitetin tuaj.

Që të ndalojmë shpopullimin duhet të marrim pjesë të gjithë në zgjedhje. Rilindja është autore e zbatimit të këtij shpopullimi. Të parët tanë e kanë mbrojtur këtë vend me pasuri përrallore nga ushtritë e huaja.’- tha ai.

LEXO EDHE:
SPAK heton '21 janarin'/ Meta sulmon Dumanin e akuzon Bashën: Ka përgjegjësi direkte për vrasjet! Ish ministri i Brendshëm i kujton bllokun

Ai ka akuzuar qeverinë se ka krijuar pasiguri për çështjen e votës për shkak të asaj që ai e quan babëzi të Ramës.

‘Pa asnjë diskutim që vota juaj do të jetë e mbrojtur. Ndaj ju lutem mos bini pre e rilindjes për të krijuar pasiguri për ccështjen e votës. Ndaj të gjithë duhet të merrni pjesë, të gjithë duhet të votoni për të ndëshkuar këtë sekt dhe babëzinë e tij që nuk njeh limite. Dhe nuk ka prioritet interesin tuaj, interesin e familjes, interesin e hapësirave publike.

Mund tju them se ne nuk besojmë që emigracioni mund të ndalohet nëpërmjet mbylljes së kufijve. Ne nuk jemi dakord me alibinë e Edi Ramës se shqiptarët ikin sepse kështu ikin kudo. Kjo nuk është e vërtetë.’- tha Meta ndër të tjera.

G.MO/r.k./Shqiptarja.com

TAG:
• zgjedhjet vendore 2023
• Ilir Meta