Dublon institucionet ligjzbatuese/ Ilir Meta promovon nga Durrësi nismën e tij për 'luftën ndaj krimeve zgjedhore': Mediat të kenë kujdes, do japin llogari pas 25 prillit

Presidenti Ilir Meta nga Durrësi, u pyet edhe në lidhje me deklaratat e ambasadores amerikane Yuri Kim për kandidaturën e Tom Doshit. Meta tha se në këto zgjedhje, edhe pse nuk është bërë më e mira qytetarët kanë mundësi që të zgjedhin.

‘Nuk kam asnjë arsye të shmangem nga çështja më e madhe që ka vendi. E dimë që kemi një histori të dhimbshme dhe kemi një ligj për dekriminalizmin. E dimë kush na detyroi që të bënim një ligj të veçantë dhe kush kandidoi ato persona. Në këto zgjedhje edhe pse nuk u bë më e mira përsëri qytetarët kanë mundësi jo vetëm të zgjedhin mes subjekteve politike, janë, ku kanë mundësi që të zgjedhin por kanë edhe mundësi brenda listës. Kanë mundësi të zgjedhin dhe të japin sinjalin për kandidaten që atp besojnë. Qytetarët të votojnë me bindjen e tyre dhe për alternativën që do ti përfaqësojë më mirë, por edhe për kandidatin apo kandidaten.’- tha Meta.

Presidenti Meta në konferencën për shtyp në Durrës pati një mesazh edhe për mediat.

"I ftoj mediat gjithashtu të jenë mjaft transparente në këtë proces. Është në të mirën e tyre. Duhet të respektojnë qytetarët dhe duhet të japin kontribut për atë që do të vijë nesër.  Të jenë të gjithë në rrethana lehtësuese në procesin e llogaridhënës që do të vijë nesër me hir apo me pahir për shkak të votës së qytetarëve"

Presidenti Ilir Meta tha nga Durrësi se pas 25 prillit qeveria duhet të ketë frikë nga populli. Meta tha se presidenca është e hapur të bashkëpunojë me subjektet garuese për çdo fenomen negativ të hetohet brenda një afati sa më të shpejtë.

‘Kush do të që tenton që të prekë votën e lirë do të ketë ndëshkim të mrekullueshëm spektakolar, siç e meriton, pasi është armik i shqiptarëve. Vjedhja e votës na ka bërë që të jemi mbrapa dhe të mbetemi peng i çeljes së negociatave. Pas 25 prillit të kenë frikë qeveria nga populli. Presidenti është i hapur dhe i vendosur që të bashkëpunojë me të gjitha subjektet garuese me institucionet përgjegjëse dhe të gjithë ato që janë të interesuar që kanë mbarëvjatje, pasi çdo fenomen negativ të hetohet brenda një afati sa më të shpejt. Jam i palëkundur se ne të gjithë bashkë do të mund të hapim një faqe të re që do të vijën për 100 vite në Shqipëri. Dy gjera nuk mund të preken vota e lirë e barabartë dhe kushtetuta. Në këtë nisëm duam të shpëtojmë të ardhmen e demokracisë në Shqipëri dhe të ardhmen e saj drejt BE-së.’- tha Meta.