POP 5

Lajmet më të lexuara të 5 minutave të fundit

Politikë

E akuzoi për pazare me Ramën, Basha përplasje në distancë me Metën: Ka marrë malet për t'ju fshehur drejtësisë

Një përplasje në distancë ka ndodhur ndërmjet dy ish-aleatëve, konkretisht kreut të Partisë Demokratike Lulzim Bashës dhe kryetarit të Partisë së Lirisë Ilir Meta

Një përplasje në distancë ka ndodhur ndërmjet dy ish-aleatëve, konkretisht kreut të Partisë Demokratike Lulzim Bashës dhe kryetarit të Partisë së Lirisë Ilir Meta.

Gjatë një konference për mediat, kryetari i Partisë së Lirisë, akuzoi Bashën për pazare me kryeministrin Edi Rama.

‘Nuk e di kush është treshja më e vjetër e politikës në vend e për cilat pazare bëhet në vend. Dmth unë jam pjesë e një tresheje ku është ish shefi i tij, shefi i tij aktual dhe unë jam pjesë e pazareve që ka votuar ky? Për të cilat ka votuar ish shefi i tij dhe unë kam bërë grevë? Për pazarin e 17 majit? Apo bëhet fjalë për pazarin që mos të jepte alternativë për reformën territoriale? Dhe ai kurrë nuk e solli atë se që atëherë ka qenë në Pazar me shefin e tij aktual. E di gjithë Shqipëria se kush është njeriu I pazareve, kush mbahet peng për të dëmtuar opozitarizmin dhe nuk bëhesh njeri duke lyer flokët, as duke thënë se unë jam fitimtar se bëj lapsuse siç bën presidenti i SHBA.’- tha Meta.

Nga ana tjetër kryetari i Partisë Demokratike Lulzim Basha akuzon Metën se është bërë bashkë me Ramën dhe Berishën në një aleancë të re kundër SPAK-ut dhe kundër Reformës Zgjedhore. Basha, duke ju referuar Metës, thotë se nuk impresionohet nga deklaratat e atyre që kanë marrë malet për t’iu fshehur drejtësisë, por një gjë është e sigurt: nuk u ka mbaruar vetëm koha, por edhe rruga.

‘Politikanët e vjetër të tranzicionit të stërzgjatur shqiptar nuk e kanë thjesht betejën me Partinë Demokratike, por, mbi të gjitha, ata e kanë me popullin shqiptar. Jo vetëm që janë në pazar me njëri-tjetrit, por dihet se kur mblidhen bashkë Rama, Berisha dhe Meta diçka po luajnë në kurriz të shqiptarëve. Këtë radhë janë bërë bashkë në një aleancë të re kundër SPAK-ut dhe kundër Reformës Zgjedhore, sepse vetëm kështu mund të vijojnë me pazaret e vjetra të bëra në kohë të reja. Personalisht nuk impresionohet nga deklaratat e atyre që kanë marrë malet për t’iu fshehur drejtësisë, por një gjë është e sigurt: nuk u ka mbaruar vetëm koha, por edhe rruga. Dhe kur të mbaron rruga, nuk ka mal që të bën derman.’- shkruan Basha.

Rendit zhvillimet sipas orarit:
Ora 15:19
Arrestimi i Jorgo Goros, Meta: Demonstrim i politikës së bedelave që përdor Rama, kërkon të shkarkojë përgjegjësinë

1711371258_ilirmeta.jpg

Kreu i Partisë së Lirisë, Ilir Meta në konferencën me gazetarët ditën e sotme dha edhe një koment për arrestimin e kryetarit të bashkisë së Himarës, Jorgo Goros. Meta shprehet se pas këtij arrestimi qendron kryeministri Rama, i cili kërkon të shkarkojë përgjegjësinë.

'Arrestimi është demonstrim i politikës së bedelave që përdor Rama pasi i përdor e i shtyp mirë e mirë për llogari okulte, bazuar mbi paligjshmëri, pastaj kujton se me arrestime të tilla do shkarkojë një pjesë të përgjegjësisë së tij, ku dihet që është i vetmi përgjegjës… është si matroshkat ruse.', thotë Meta.

Nga ana tjetër, Meta dha edhe një koment sa i takon mbajtjes në burg të Fredi Belerit. Për të, rasti Beleri është një pikë ujë në oqeanin e paligjshmërisë ku ndodhet vendi sot. 

'Ajo që ka ndodhur (arrestimi i Belerit) është një gjëmë për ekzistencën e shtetit ligjor, i cili praktikisht nuk eziston se është kapur për fyti nga Edi Rama, rasti Beleri është demonstrimi më i mirë i kësaj gjëje. Këtë gjë e kam shprehur edhe në mediat ndërkombëtare e mediat greke kur më kanë pyetur, por për shkak të politikës së tyre, një mesazh kyc që u kam dhënë se rasti Beleri është një pikë në ujë në oqeanin e paligjshmërisë ku ndodhet vendi, ku ndodhet shteti ynë. Është një përgjegjësi e atyre që kanë heshtur deri më sot për kapjen e shtetit nga Rama, e sot alarmohen kur shohin raste të tilla si Beleri.'

G.K/Shqiptarja.com

M.Q./B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Muzetë, frekuentime rekord nga turizmi, potenciali për nxitjen e bizneseve

Muzetë, frekuentime rekord nga turizmi, potenciali për nxitjen e bizneseve

27 Prill, 09:16 nga Nertila Maho