Meta kujton 76-vjetorin e Çlirimit të Durrësit: Heronjtë lokomotivë e fitores mbi çdo rrezik që kërcënon demokracinë

Presidenti i Shqipërisë, Ilir Meta ka kujtuar sot 76- vjetorin e Çlirimit të Durrësit.

Nëpërmjet një postimi në rrjetet sociale Meta shpreh mirënjohje për Heroin Mujo Ulqinaku dhe shumë patriotë të tjerë.

"Vepra dhe jeta e dëshmorëve dhe heronjve të Durrësit “përherë ka qenë në vijën e parë të zjarrit, lomokotivë, jo vetëm për mbrojtjen e interesave dhe dinjitetit kombëtar, por edhe e fitores mbi çdo rrezik që kërcënon liritë dhe demokracinë e vendit dhe së ardhmes tonë europiane.”

LEXO EDHE:
'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur

Postimi i plotë:

Sot përkujtojmë me krenari, 76-vjetorin e Çlirimit të Durrësit tonë të dashur, që i dha Luftës Antifashiste Nacionaçlirimtare dhe Atdheut, shumë Dëshmorë dhe Heronj.

I pari qytet i sulmuar nga bisha nazi-fashiste në 7 prill 1939, Durrësi reagoi që në sekondat e para, i gatshëm për të sakrifikuar bijat e bijtë më të mirë në mbrojtje të Lirisë, Pavarësisë dhe Sovranitetit të Shqipërisë.

Mirënjohje përjetë Heroit të Rezistencës Antifashiste, Mujo Ulqinaku dhe të gjithë patriotëve të tjerë, të cilët luftuan krah për krah njëri-tjetrit, për të përmbushur me nder betimin para Flamurit Kombëtar, duke e larë atë me gjakun e tyre të paharruar.

Sot është dita për të kujtuar me respekt edhe Nako Spirun, udhëheqësin kryesor të Rinisë Antifashiste pas rënies heroike të Qemal Stafës, për rolin e veçantë frymëzues që luajti, si një prej drejtuesve më të shquar të LANÇ-it, për organizimin e Rezistencës në Durrës dhe në mbarë Shqipërinë.

Përjetë do nderojmë kontributin e familjeve më të mira dhe patriotike të Durrësit, që dhanë gjithçka të shtrenjtë kishin për t’ju përgjigjur flakë për flakë pabesisë së pushtuesve, duke i dëshmuar Europës dhe mbarë botës se Shqipëria, edhe pse e braktisur dhe e harruar, nisi me vetëmohim, trimëri e atdhedashuri të pashoq rezistencën ndaj fuqive më të mëdha të kohës.

E paharruar vepra e jeta e Dëshmorëve dhe Heronjve të Durrësit dhe sakrificat e familjeve patriotike të këtij qyteti, që përherë ka qenë në vijën e parë të zjarrit, lokomotivë, jo vetëm për mbrojtjen e interesave dhe dinjitetit kombëtar, por edhe e fitores mbi çdo rrezik që kërcënon liritë dhe demokracinë e vendit dhe së ardhmes tonë europiane

E.M./Shqiptarja.com

TAG:
• Ilir Meta