Meta 'mbron' aktet e tij me fjalët e Presidentit të Gjermanisë: Kushdo që e sulmon demokracinë do më ketë kundërshtar

Presidenti Ilir Meta ka publikuar sot një frazë të thënë nga Presidenti i rizgjedhur i Gjermanisë, Frank-Walter Steinmeier, si një mënyrë edhe për të 'mbrojtur' aktet e tij.

"Unë do të jem jopartiak, por nuk jam asnjanës kur bëhet fjalë për kauzën e demokracisë. Kushdo që lufton për demokraci më ka në krah. Kushdo që e sulmon do më ketë kundërshtar", thuhet në mesazhin e Presidentit gjerman të publikuar nga Meta, fjalë që ku i fundit i interpreton si mesazh i qartë për raportet e Presidentit me kauzën e demokracisë.

"Një mesazh shumë i qartë i Presidentit të rizgjedhur të Gjermanisë, Frank-Walter Steinmeier për raportet që duhet të ketë një President me kauzën e demokracisë", shkruan Meta.

LEXO EDHE:
'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur

Ilir Meta ka dalë më shumë se një herë nga 'kostumi' i Presidentit, duke mbshtetur kauzat e opozitës apo edhe partinë e themeluar nga vetë ai, LSI-në. Rasti më i fundit flagrant, që u konfirmua nga vetë Sali Berisha, ishin negociatat me këtë të fundit për krijimin e koalicionin të ish-kryeministrit me LSI-në.

Megjithëse Meta mohoi të kishte negociuar me Berishën, ku i fundit tha se ata kishin bërë një marrëveshje bashkë.

TAG:
• Ilir Meta
• Frank-Walter Steinmeier