Meta: Zgjedhjet e përgjithshme mund të jenë para atyre lokale, do vijmë në qeveri! Të huajt e kanë kuptuar sa sharlatan është Rama

Kreu i Partisë së Lirisë, Ilir Meta shprehet se referendumi është angazhimi kryesor i partisë së tyre dhe këtë çështje nuk do e lënë pas dore për asnjë arsye. Meta thotë se edhe nëse do të ketë një koalicion me parti të tjera në të ardhmen, referendumi do jetë kusht i Partisë së Lirisë.

“Nëse do ikin edhe 100 mijë shqiptarë të tjerë, do jetë fatale për vendin tonë. Duhet të japim besimin që po luftojmë. Angazhimi unë për referendumet synon këtë gjë, të vendosë kontrollin e popullit mbi qeverinë e tij. Populli e vendosi me referendumin e ‘98, por ata kanë bërë çdo përpjekje që të kemi një ligj që bën të mundur zbatimin e referendumit. Ne këtë e kemi çështje të parë. Ky është angazhimi ynë i parë në çdo koalicion në të ardhmen. Kushti jonë nuk është marrim kaq apo aq bashki.”, Tha Meta.

Ilir Meta thotë se zgjedhjet e përgjithshme mund të mos mbahen në vitin 2025 kur janë parashikuar por edhe më parë se ato lokalet që janë parashikuar për pranverën e ardhshme. Në fjalën e tij gjatë një takimi me strukturat e Partisë së Lirisë në Vlorë , Meta tha se ato duhet të bëhen gati.

“Zgjedhjet lokale janë afër, nuk i shtyjmë dot siç i shtymë ato që nuk u regjistrua as Luli, edhe pse mund të ndodhë të mbahen përpara ato të përgjithshmet. Duhet bërë që tani puna dhe oponenca për çështjet lokale sepse nuk ka asnjë përfaqësues opozitar në këshilla”, tha Meta.

Bashkimi Evropian nuk i liberalizon vizat me Kosovën sepse ka frikë nga krimi kosovar. Këtë deklaratë e ka bërë sot nga Vlora, kryetari i Partisë së Lirisë, Ilir Meta.

“Evropa ka problem shumë të madh me kriminalitetin që vjen nga vendet e Ballkanit. Kriminaliteti shqiptar në Kosovë, grupet kriminal kanë penguar vizat në Kosovë. Nuk ka lidhje me këto vendet që nuk duan”, tha Meta.

Kjo është hera e parë që thuhet nga politika shqiptare për liberalizimin e vizave të shqiptarëve në Kosovë kur edhe nga vetë drejtuesit e BE mos marrje e këtij vendimi është konsideruar dështim i unionit.

Nga Vlora, Ilir Meta u shpreh se djegia e mandateve ishte një gabim, ndërsa ritheksoi edhe një herë se ia kishte lënë porosi kryetares së partisë, asokohe Monika Kryemadhi, që të mos e bënte sepse ishte një kurth.

"I keni djegur ju dhe turp të kenë të gjithë që ata që i kanë djegur mandatet, përfshirë dhe mikun tim Petrit Vasilin, unë se kam djegur mandatin tim, dhe porosia ime të shkruar e ka ish-kryetarja juaj dhe Vasili, në asnjë mënyrë mandatet, është një kurth, unë s’e lëshova zyrën time, tani 25 korriku fillon histori e re. Ky është moment që të ndryshojë. Është momenti të tregojmë se jemi shqiptar, njerëz që meritojmë të jetojmë të lirë dhe të respektuar dhe jo që jetojmë për një copë bukë dhe lëmoshën e kujtdo qoftë. 

Shihni si i keni bashkitë. Katastrofë. Mendoj se të gjitha këto që kanë ndodhur edhe ju i dini por janë një mësim i madh që duhet të na shërbejë për të ndezur motorët fuqishëm kudo, për të bashkuar të gjithë njerëzit patriotë, se vendi është përballë një rreziku të tillë. Nëse do ikin edhe 100 mijë shqiptarë të tjerë, do jetë fatale për vendin tonë. Duhet të japim besimin që po luftojmë.

Angazhimi unë për referendumet synon këtë gjë, të vendosë kontrollin e popullit mbi qeverinë e tij. Populli e vendosi me referendumin e ‘98, por ata kanë bërë çdo përpjekje që të kemi një ligj që bën të mundur zbatimin e referendumit. Ne këtë e kemi çështje të parë”, tha Meta.