TIRANE- Kreu i Kuvendit Ilir Meta ka kritikuar qëndrimet e opozitës dhe vazhdimin e bojkotit në Kuvend duke lënë në mes reformat pa ofruar asnjë alternativë. I ftuar në emisionin “Top Story” të gazetarit Sokol Balla, Meta ka shprehur keqardhje për përkrahjen që Partia Demokratike po i bën deklaratave të liderit të saj historik Sali Berisha për të zhvilluar vetëm protesta.

Kryeparlamentari sqaroi se gjatë drejtimit të Kuvendit në këtë vit të parë qeverisës ka parë një opozitë që është vazhdimisht në kërkim të konfliktit. “Opozita ka qenë vazhdimisht në kërkim të konfliktit.