"Miratimi i kësaj reforme është i domosdoshëm dhe duke e parë se mosbesimi është kaq shqetësues i lodhshëm dhe i rrezikshëm për të ardhmen jam i bindur se rruga më e mirë do të jetë ndërtimi i një qeverie ekspertësh e cila pas miratimit të reformës e çon vendin në zgjedhje demokratike dhe të pakontestuara nga askush. Unë personalisht jam gati që për hir të këtij kompromisi të jap dorëheqjen nga ky moment nga kryetar i parlamentit nëse i shërben kompromisit. Ministrat e forcës politike që unë përfaqësoj të bëjnë të njëjtën gjë në mënyrën që ne të detoksikojmë këtë klimë helmuese të egër e të papranueshme. Drejtësia të bjerë mbi çdo politikan, duke filluar nga Ilir Meta apo cilido tjetër. Mesazhi mendoj se është shumë i qartë. Pas reformës në drejtësi, le të shpërndahemi dhe pastaj edhe ne kryetarët e partive të shohim listat. Jam i gatshëm të jap dorëheqjen për miratimin e reformës në drejtësi", u shpreh Meta.
Ai apeloi sërish sot për dakordësi mes palëve, por ai kujtoi se konsensusi bëhet i vështirë kur thuhet se "ti apo ai do të shkojë në burg". "S'ka konsensus duke thënë se do të shkosh në burg. Nuk bëhet reformë duke thënë ‘do shkosh ti në burg’. Reforma dhe konsensusi, atë që do Uashingtoni, Brukseli dhe qytetarët shqiptarët bëhet duke thënë ‘unë do shkoj në burg’, nëse kam shkelur ligjin. Vetëm duke folur kështu ne mund t’i japim vendit një Kushtetutë të re. Reforma nuk bëhet për zgjedhjet e radhës, por për 30 vitet që vijnë në këtë vend. Unë mbështes fuqimisht deklaratën e zonjës Nuland për të arritur konsensusin, mbështesim edhe propozimin hibrid por konsensusi është i domosdoshëm që të arrihet”, deklaroi Meta.
Ai tha se për të finalizuar në kohë reformën, duhet të takohen për të gjetur zgjidhjen e reformës në drejtësi. "Kam kërkuar që në fillim se duhet takim i nivelit të lartë politik. Duhet të marrin fund tentativat për bllokimin e reformës. Përpjekjet për të gjetur fajtorë s'më pëlqejnë", tha Meta.
Kreu i Kuvendit iu referua edhe deklaratave të ambasadorit Lu për takimin mes Ramës dhe Bashës. "Kam një propozim të ri për ambasadorin Lu. Ftoj Ramën, Bashën dhe ambasadorët Lu e Vlahutin të mbyllen në Kuvend. Edhe mua si ambasadorit Lu po më soset durimi. Nesër të vijnë këtu, pasi është koha të sillemi si patriotë të vërtetë. Nuk na kërkohet të bëjmë sakrifica si Ismail Qemali, por të bëjmë fare pak sa bëri Mujo Ulqinaku, një shqiptar i thjeshtë. Dhe ky akt patriotik duhet të bëhet nga ne për të mbrojtur dinjitetin e parlamentit e dinjitetin e drejtësisë së ardhshme që duhet të garantojë siguri për të gjithë qytetarët shqiptarë. Nuk bëjmë reformë vetëm për politikanët. Çdo shqiptar, çdo ditë të ndjejë që ka drejtësi", theksoi Meta.
Kreu i LSI deklaroi se votat e forcës së tij politike do të jenë pro reformës në drejtësi. "Miratimi i kësaj reformë është i domosdoshëm. E kam deklaruar që në fillim se 20 votat e LSI do të jenë pro reformës në drejtësi. Votat e LSI-së janë, por kemi problemin e konsensusit dhe procesit demokratik. Bashkë me ndryshimet Kushtetuese të kalojmë edhe 7 ligje të tjera. Nëse ne nuk e bëjmë bashkë me opozitën, atëherë opozita shkon në Gjykatën Kushtetuese dhe do të kemi probleme më pas", deklaroi Meta.
Ndërsa për rolin e ndërkombëtarëve në procesin e vettingut, çështja që po mban palët larg konsesusit, Meta tha se drejtësia nuk mund të jepet me koncension për të huajt.
Në konferencën për shtyp që mbajti nga Kryesia e Kuvendit, Ilir Meta u pyet nga gazetarët se çfarë raportesh ka me ambasadorin amerikan: “Vetëm marrëdhënie zyrtare dhe me dëshmitarë”, tha kreu i LSI-së.
Konferenca për shtyp e Kryetarit të Kuvendit, Ilir Meta
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
