POP 5

Lajmet më të lexuara të 5 minutave të fundit

Arkiva

Meta pas takimit në PS: Kutitë
s'hapen nga Gjysmë-KQZ-ja

Kryetari i Lëvizjes Socialiste për Integrim, Ilir Meta, ka deklaruar sot pas takimit me kreun e PS-së, Edi Rama, se Kolegji Zgjedhor mori një vendim të qartë ligjor lidhur me paligjshmërinë e rinumërimit të votave në qarkun e Kukësit dhe hapja e kutive nuk mund të bëhet nga "gjysmë-KQZ" që ka vetëm katër anëtarë.
Meta pas takimit në PS: Kutitë<br />s'hapen nga Gjysmë-KQZ-ja
TIRANE-  Kreu i PS-së dhe njëherësh kryeministri i zgjedhur në zgjedhjet e 23 qershorit, Edi Rama priti sot ne mesditë aleatin e tij kryesor në qeverinë e re, kreun e LSI, Ilir Metën. Edhe pse nga ana e Ramës nuk pati, një deklaratë për mediat as nga zyra për shtyp e PS, Meta duke mos treguar detaje rreth këtij takimi, u shpreh se ishte një takim veror mes tyre.

Pas rreth një ore bashkëbisedimi në zyrën e kryeministrit të ardhshëm, Ilir Meta nuk dha detaje se çfarë ishte biseduar, por për t'i shpëtuar kësaj pyetje konstante të medias, ai tha se ishte një bisedë më shumë verore se sa politike.

Ndërsa për 300 ditët e para të programit qeverisës dhe përbërjen e kabinetin të ri qeverisës, sipas Ilir Metës çdo gjë do të bëhet publike në kohën e duhur. Ky takim vjen pas një takimi pak ditë më parë po në selinë rozë mes dy krerëve të partive, e cila solli dhe rikthimin pas 6 vitesh të ish-socialistit Meta. “Ka qenë një bisedë më shumë verore se sa politike”, ishte koemnti i shkurtër që dha Meta i pyetur rreth takimit.

Ndërkohë që lidhur me krijimin e qeverisë së re, Meta ia kaloi përgjegjësinë Ramës, duke u shprehur se “Për këtë mund të pyesni Kryeministrin e zgjedhur”. Sipas tij programi i qeverisë së re do të bëhet publik shumë shpejt. Ndërkohë që dy përfaqësuesit e partive që po merren me programin e qeverisë së re, Ilir Beqja dhe Edmond Haxhinasto vetëm pak ditë më parë, kanë deklaruar se brenda këtij muaji programi i qeverisë së re për qeverisjen e 300 ditëve të para do të jetë gati dhe do të publikohet.

Brenda këtij muaji pritet që partitë në koalicionin e majtë të ndajnë dhe postet ministrore si dhe drejtoritë që do të drejtojnë. Kjo sipas marrëveshjes së prillit që është bërë me aleatët, ku aleatët që do të merrnin një mandat deputeti, do të arrinin të merrnin dhe një ministri, bëhet fjalë për LSI, PBDNJ si dhe Partinë Kristian Demokrate të Mark Frrokut.

CERTIFIKIMI I ZGJEDHJEVE
Në fjalimin e shkurtër të tij, kreu i LSI foli edhe për vonesën e certifikimit të zgjedhjeve nga Komisioni Qendror i Zgjedhjeve. Ai u shpreh se tashmë këtë kompetencë e ka vetëm Kolegji Zgjedhor, pasi KQZ gjysmë siç e cilësoi ai, nuk mund të marrë dot një vendim për certifikimin e rezultatit përfundimtar të zgjedhjeve të 23 qershorit. “Transparenca është mjaft e rëndësishme, por gjithmonë sipas ligjit dhe Kodi ka qënë shumë i qartë se procesi hapjes së kutive mund të bëhet me pesë vota të antarëve të KQZ-së.

Pra këtë kompetencë mund ta ketë vetëm Kolegji Zgjedhor në kushtet kur gjysmë KQZ-ja ka 4 anëtarë. Kolegji ka marrë një vendim të qartë ligjor dhe kushdo që nuk është dakort me këtë vendim të ndjekë rrugën që përcakton ligji”, u shpreh kreu i i LSI.

Redaksia online
(ar.sh/sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça