POP 5

Lajmet më të lexuara të 5 minutave të fundit

Politikë

Dita Kombëtare e Italisë/ Meta: Dy vendet të bashkuara përmes lidhjeve të panumërta historike, njerëzore dhe shpirtërore (VIDEO)

Në kuadër të 75-vjetorit të Republikës së Italisë, presidenti Ilir Meta i ka përcjellë urimet më të përzemërta Italisë, ku nënvizon se i ka dhënë trashëgimi gjithë botës

Në kuadër të 75-vjetorit të Republikës së Italisë, presidenti Ilir Meta i ka përcjellë urimet më të përzemërta Italisë, ku nënvizon se i ka dhënë trashëgimi gjithë botës.

Meta shkruan se Shqipëria dhe Italia janë të bashkuara përmes lidhjeve të panumërta historike, ekonomike, kulturore, mbi të gjitha njerëzore dhe shpirtërore.

‘I lumtur që me rastin e 75-vjetorit të Republikës Italiane, të përcillja sot urimet më të përzemërta për këtë vend mik, që i ka dhënë trashëgimi gjithë botës, një pasuri kulturore mijëvjeçare, gjithmonë mbresëlënëse.

Shqipëria dhe Italia janë të bashkuara përmes lidhjeve të panumërta historike, ekonomike, kulturore, mbi të gjitha njerëzore dhe shpirtërore. Marrëdhëniet shumë të afërta ndërmjet nesh shkëlqejnë veçanërisht në kohët e vështira, kur solidariteti dhe mbështetja nuk janë kursyer reciprokisht.

Italia ka qenë gjithmonë e para në ndihmë të Shqipërisë dhe të shqiptarëve në momentet me të vështira, kohët e fundit edhe për tejkalimin e pasojave të tërmetit dhe në përballimin e pandemisë.  Jam i bindur se të dy palët do të punojnë me përgjegjësi për të forcuar partneritetin tonë strategjik në të gjitha fushat.’- shkruan Meta.

Në përkujtim të kësaj dite në Sheshin Italia në Tiranë është vendosur skulptura e artistit italo-shqiptar Helidon Xhixha që ka të shënjuar edhe emrin e sheshit, si një simbol i rilindjes dhe të një fillimi të ri.

Çdo vit 2 dhe 3 qershori është një festë e rëndësishme, pasi shënon ditën kur u mbajt referendumi popullor për përcaktimin e formës së qeverisjes: monarki apo republikë parlamentare.

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46