Kryetari i Partisë së Lirisë, Ilir Meta ka preznatuar ditën e sotme në Prrenjas kandidaten e koalicionit opozitar Zana Topin. Më 14 maj, Meta u bëri thirrje qytetarëve që të votojnë Zana Topin, ndërsa e cilësoi atë si një figurë përbashkuese.

Meta u ndal edhe në akuzat për kundërshtarin politik, duke thënë se kryeministri edi Rama ka kapur të gjitha institucionet, e pas kësaj, sipas tij ka kapur edhe një pjesë të opozitës. Këtu, Meta i referohet grupit të Alibeajt, të cilët Sali Berisha i akuzon si pengje të Edi Ramës. Meta u është betuar simpatizantëve se në 14 maj do ti japë një mësim të mirë Edi Rama dhe partisë uzurpatore që ai drejton. Kreu i Partisë së Lirisë, thotë së pas 14 majit do të kthehet llogari dhënia në të gjithë pushtetin vendor.

“Më 14 maj rikthehet llogaridhënia por edhe demokracia e pluralizmi. Zhvillimet do të jenë shumë të shpejta, demokracia ynë hyri në intubimin e rilindjes, se eliminoi zgjedhjet brenda partisë gjëja e parë që bëri, ndërsa e dyta, kapi institucionet, bëri edhe ato kapjet e veta nga opozita. Mirëpo tani cdo gjë ka dalë në dritën e diellit. Koalicioni është një koalicion historik, transformues që rikthen pluralizmin dhe llogari dhënien në Shqipëri, nuk është thjesht për pushtetin vendore, por për t’i rikthyer sovranitetin në nivel kombëtar”, tha Meta.

Meta hodhi akuza ndaj qeverisë se ndërton rrugë me kosto 4-5 herë më shtrenjtë dhe se ka falimentuar të gjitha bashkitë e vendit.