Meta në 'sitë' nga Autoriteti i Dosjeve: Mbrëmë isha në një festë, email-i anonim ‘mbarsi malin dhe polli një mi’! Përpjekje e Ramës për të hequr vëmëndjen nga vjedhja

Në një kohë ku inicialet I.M., ishin protagoniste në dakordësimin e PS-PD për hapjen e dosjeve, ish presidenti Ilir Meta, e cilësoi ligiin që u miratua në Kuvend me 94 vota pro, ‘Pazar’.

Në një konferencë me gazetarët, kreu i Partisë së Lirisë, Ilir Meta u shpreh se ky email anonim kishte si ‘dirigjent’ Edi Ramën, pasoja e të cilit do të vijë shumë shpejt. Edhe pse emri i tij do kalojë në ‘sitën’ e Autoritetit të Dosjeve, Meta tha se ishin përgatitur për një ngjarje shumë më të madhe, por u doli huq. ‘Mbarsi malin dhe polli një mi’- tha Meta. nIsh presidenti e ka cilësuar këtë hap për të shpëtuar nga e kaluara si një përpjekje e Ramës për të tërhequr vëmëendjen nga vjedhjet.

Sipas tij Rama po tërheq vëmëndjen nga 1 miliardë dollarë që po i planifikon për 7 kontrata të reja vitin që vjen. Teksa theksoi se Partia e tij ‘i prish’ gjumin Edi Ramës, Meta nënvizoi se nuk do të sfidojë asnjë kandidat që është kundër Ramës, referuar Berishës. Meta gjithashtu ripërsëriti se Rama dueht të japë shpjegim se pse çmimet në vendin tonë janë më të larta në rajon dhe se pse kryeministri justifikohet me luftën në Ukrainë.

‘Prioritet i Partisë së Lirisë nesër do të jetë arsimi. Nuk investim më të rëndësishëm për vendin dhe kombin tonë sesa arsimi. Janë të gjitha mundësitë të plotësohen kërkesat e pedagogëve që brenda dy viteve të kenë pagat që kanë kolegët e tyre në Kosovë. Si shpjegohet që cimet në Ukrainë janë më të lira se në Shqipëri. Si shpjegohet që çmimet në Kosovë, në Maqedoni në Malin e Zi janë më të lira se në Shqipëri. Si shpjegohet që çmimet këtu janë më të larta në rajon dhe më shumë se 90% e vendeve të BE. Sepse ky është një armik i betuar i prodhimit vendas.’- tha Meta

Partia Socialiste dhe Partia Demokratike bashkuan votat mesnatën e kaluar për të votuar ndryshimet në ligjin “Për të drejtën e informimit për dokumentet e ish-sigurimit të shtetit të Republikës Popullore Socialiste të Shqipërisë”, nismë e grupit parlamentar të PS, duke i hapur kështu rrugë verifikimit të të gjithë të dyshuarve si ish bashkëpunëtor të Sigurimit të Shtetit. Me 94 vota pro dhe 2 abstenim u shfuqizuan vendimet ekskluzive të komisioneve “Bezhani” e “Mezini”, duke i dhënë të drejtë Autoritetit të Dosjeve të rivlerësojë figurën e zyrtarëve të pajisur me certifikatë pastërtie. Ajo që vihet re në dokumentet e votimit është fakti se askush nga Komisioni i Rithemelimit të Sali Berishës nuk ka marrë pjesë në votim, madje as Oerd Bylykbashi i cili ishte i pranishëm në Sallë. Kujtojmë se Projektligji erdhi pas kërkesës së autoritetit pasi doli një dosje me një spiun të sigurimit me iniciale I.M që dyshohet se është ish-Presidenti Ilir Meta.

Rendit zhvillimet sipas orarit:

Të Fundit Të Parat

G.MO/B.K./Shqiptarja.com

TAG:
• edi rama
• Ilir Meta ish bashkëpunëtor i Sigurimit të Shtetit
• Ilir Meta