TIRANË- I ashpër është treguar Ilir Meta me institucionet e reja të drejtësisë, ku sot i sulmoi hapur njëjtë si aleati i tij në arrest shtëpie, Sali Berisha. I pyetur nga gazetarët lidhur me deklaratat e Dumanit se nuk kanë frikë nga presionet politike për të hetuar as Metën e as Ramën, kreu i Partisë së Lirisë adresoi një sulm ‘frontal’ për SPAK dhe drejtuesin e saj.
Në konferencën për media, ai hodhi akuza se prokurorë të lidhur me qeverinë kanë marrë angazhime personale për ta goditur.
“Kam qenë gjithë jetën në hetim, e di që gjithashtu prokurorë jo që flirtojnë me politikën, që janë prodhimi më i drejtpërdrejtë të saj kanë marrë angazhime personale për tu marrë me Metën për arsye që i dinë mirë. Unë jam këtu, do jem gjithmonë këtu. Të jeni të sigurt se nuk ka asnjë forcë që mundet të zhbëjë PL si një parti të të vërtetave të mëdha”, tha Meta.
Sulmin për Altin Dumanin e adresoi duke e cilësuar si ‘zar’ të ish-kryeprokurorit Arben Rakipi.
“Njëkohësisht nuk ka asnjë zar të Arben Rakipit që për të legjitimuar kapjen e reformës në drejtësi nga Rama përmes shkatërrimit të proceseve kushtetuese, që nga zgjedhja e prokurorëve të përgjithshëm, betimet e anëtarëve të GJK tek Lana, e gjithë ato bëma të tjera, të godasë Ilir Metën që mbrojti reformën në drejtësi. Mbrojtje që u konfirmua edhe nga vetë komisioni i Venecias”, vijoi Meta.
Sipas Metës, SPAK është kthyer në komisariat policor të Edi Ramës, për të dëmtuar opozitën. Kreu i Partisë së Lirisë thotë se nuk i druhet as hetimit të tij, duke refuzuar të komentojë deklaratën e Dumanit, që pranoi hetimin e Metës.
“Lidhur me përpjekjet e Ramës për ta kthyer SPAK në një komisariat policor anti-opozitë për të shkatërruar pluralizmin politik nuk jam i surprizuar. Asnjëherë s’kam dashur të identifikoj këtë institucion me individë të caktuar që nuk flirtojnë me politikën, por janë prodhim i saj dhe para se të bënin betime me dorën në Kushtetutë kanë bërë betime të tjera që koha po i provon më së miri”, tha Meta.
Me Berishën, që pak ditë më parë u pyet në SPAK për aferën Partizani, Ilir Meta thotë se ka komunikuar në telefon.
"Kemi patur një përshëndetje telefonike me Berishën ku i kam shprehur solidaritetin tim. Kam patur takime me eksponentë të PD si Noka dhe të tjerë për të folur për situatën. Opozita po punon në disa drejtime. Sot zgjodha të tërheq vëmendjen tuaj për problemet ekonomike", tha Meta.
Edhe pse jashtë parlamentit, Ilir Meta e ka ndjekur me vëmendje sherrin në Komisionin për Reformën Zgjedhore. Ai u shpreh se Kuvendi duhet të plotësojë kërkesën e Rithemelimit dhe Bardhit, ndërsa duke shigjetuar deputetët e Lulzim Bashës, shprehet se pranimi i një reforme farsë do të thotë se ke shitur zgjedhjet.
Ilir Meta ka komentuar bllokimin e punës në Kuvend nga grupi i deputetëve Berisha-Bardhi. Meta tha se aksioni duhet të intensifikohet pasi mazhoranca synon të asgjësoje pluralizmin politik.
“Reagimet që kanë ardhur nga faktori ndërkombëtar dhe PR, tregojnë qartazi se aksioni ka patur një jehonë të konsiderueshme. Aksion që duhet intensifikuar, ka nevojë për bashkërendim, konsistencë. Kemi të bëjmë me një situatë sfidonte përballë një narko regjimi që nuk pyet për kushtetutë, rregullore, ligje, që ka kapur të gjithë shtetin dhe ka vetëm një qëllim, të asgjësojë pluralizmin politik”, tha Meta.
Kreu i Partisë së Lirisë, Ilir Meta ka reaguar sa i takon bllokimit që deputetët e Rithemelimit dhe grupit Bardhi i bënë komisionit për Reformën Zgjedhore që më pas u detyrua të vijojë me mbledhjen online.
Meta akuzoi qeverinë për bllokimin e punës ndërsa solli në vëmendje letrën e 47 deputetëve të opozitës ndaj kryeparlamentares Lindita Nikolla gjatë ditës së djeshme ku kërkohet përfaqësimi i tyre në komisionin e Reformës Zgjedhore.
“Është e qartë se punën për komisionin e reformës e bllokon Edi Rama dhe mazhoranca për arsye se rregullorja e Kuvendit e bën të qarrtë parimin e proporcionalitetit si i vetmi parim ku mbështetet përfaqësimi i opozitës. Janë 47 deputetë opozitarë që kanë dorëzuar një dokument kur kërkojnë në mënyrën më legjitime të kenë bashkëkryetarin, jo se ata duan kështu por për shkak të parimit të proporcionalitetit. Është detyrë e mazhorancës të respektojë këtë parim dhe të zhbllokohet puna e komisionit”- tha Meta.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
Gon qela me ilir meten zaptun lulishten shatervanin me ba hotel grand Europa , Tash don me marr kafen e madhe ,ta harrojne
PërgjigjuTana poshtersinat e korrupsioni e prostitucioni i LSI kunder Shqiptarve e Shkoder Loces nga Ilir Metà e Agron Çela jan gatu e porositte te Hotel Grand Europa po tapo ja njeni zanin e po ju vjen rradha piano piano!
PërgjigjuIlir Meta (Like hajdut floriri) duhet te jete ne burg jo te te japi fjalime one line neper kanale! Prap ky hajdut ordiner e ka bashkuar firmen e tij per te bllokuar zgjidhjen e proceseve zgjedhore!Nuk e kuotoj cfare vlere kane intervistat qe jepen te gazetaret se akoma te nen kuptimet kemi ngelur varur jo te zbatimet e ligjeve!Cdo vonese bie ne kurriz te popullit se gjithe batakcijt e tjere vazhdojn te shtojn pasurit e vjedhura!
PërgjigjuKy hajdut e kriminel i ndyre duhet arestuar dhe sekestruar gjith pasuria sepse eshte familje kriminale,nuk kuptohet perse jane kaq te vonuar.
PërgjigjuDumani dje ne shkoder ne diagonale me grand hotel Europa por a.k.a ilir meta gon qela me shok , edhe diagonale me bashkine Voltana ademi ....projeksionet
Përgjigju