Meta takon Čomić: Të rrisim
bashkëpunimin Shqipëri-Serbi

TIRANE- Forcimi i marrëdhënieve ndërparlamentare Shqipëri-Serbi kanë qenë tema në fokus të takimit që kreu i Kuvendit Ilir Meta ka zhvilluar sot me nënkryetaretn e Parlametit serb Gordana Čomić. Ndërsa i uroi mirëseardhjen në Tiranë dhe për pjesëmarrjen në grupin e punës së SEECP, Meta rikonfirmoi vullnetin për forcimin e marrëdhënieve mes dy vendeve përmes grupeve reciproke të miqësisë dhe komisioneve parlamentare.
 
Kryetari i Kuvendit të Shqipërisë në fjalën e tij u ndal edhe tek takimi që zhvilloi në Gjenevë gjatë muajit të kaluar me Kryetaren e Asamblesë Kombëtare të Serbisë, Maja Gojković.
 
Meta dhe Čomić ndanë bindjen e përbashkët se bashkëpunimi konstruktiv mes Shqipërisë dhe Serbisë është i domosdoshëm për stabilitetin dhe prosperitetin e rajonit tonë.
 
Në këtë kuadër u vlerësua vizita e pritshme e Kryeministrit të Shqipërisë, Edi Rama në Serbi si një kontribut pozitiv për perspektivën e përbashkët evropiane të të dy vendeve.


Redaksia Online
(e.s/shqiptarja.com)