Meta takon delegacionin e KiE-së: Në fokus të bisedimeve, domosdoshmëria e hapjes sa më parë të negociatave të anëtarësimit në BE

Meta takon delegacionin e KiE-së: Në fokus të bisedimeve, domosdoshmëria e hapjes sa më parë të negociatave të anëtarësimit në BE

Ilir Meta në takim me delegacionin e Asamblesë Parlamentare të KiE-së

Presidenti Ilir Meta ka zhvilluar një takim me delegacionin e Asamblesë Parlamentare të Këshillit të Europës, Joseph O’Reilly dhe Asim Mollazada. Lajmin e ka bërë të ditur presidenti nëpërmjet një postimi në “Facebook”.

Në fokus të takimit kanë qenë diskutimet lidhur me  rëndësinë e nisjes sa më parë të negociatave të anëtarësimit me Bashkimin Europian.

“Kënaqësi të takohesha me delegacionin e Asamblesë Parlamentare të Këshillit të Europës, me z. Joseph O’Reilly dhe z. Asim Mollazada, që po vizitojnë Shqipërinë për mbledhjen e fakteve mbi situatën në Shqipëri.  Mirëprita angazhimin e Asamblesë Parlamentare dhe strukturave të tjera të Këshillit të Europës, përfshirë Komisionin e Venecias, për forcimin e demokracisë, sundimin e ligjit, mbrojtjen e të drejtave të njeriut, dhe të lirisë së medias në Shqipëri. Gjatë takimit theksova rëndësinë e nisjes sa më parë të negociatave të anëtarësimit me Bashkimin Europian, dhe domosdoshmërinë për t’iu përgjigjur të gjitha problemeve të ngritura me shqetësim nga Parlamenti Europian, në rezolutën e tij të 19 majit. Vura në dukje se fatkeqësisht Shqipëria vijon të zbresë shkallët e renditjes në të gjitha raportet ndërkombëtare që analizojnë nivelin e respektimit të të drejtave të njeriut, lirisë së medias, lirive politike dhe ekonomike, luftës kundër korrupsionit dhe krimit të organizuar. Njëkohësisht, theksova rëndësinë që ka forcimi edhe më shumë i bashkëpunimit në të ardhmen me Këshillin e Europës dhe të gjitha strukturat e tij.”, shkruan Meta në Facebook.

 

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po menaxhohet si duhet situata me zjarret në vend?



×

Lajmi i fundit

Konflikt mes adoleshentëve në Kosovë, 16-vjeçari nxjerr thikën dhe plagos shokun e klasës

Konflikt mes adoleshentëve në Kosovë, 16-vjeçari nxjerr thikën dhe plagos shokun e klasës