Meta takon deputetin gjerman Hahn: Hapja e negociatave dhe sfidat e Shqipërisë për përparimin e procesit

Presidenti i Republikës, Ilir Meta zhvilloi një takim me zëdhënësin e grupit parlamentar CDU/CSU për zgjerimin dhe çështjet e BE-së në Bundestagun gjerman, deputetin Florian Hahn.

Presidenti Meta vlerësoi angazhimin e vazhdueshëm të Gjermanisë në të gjitha nivelet, në mbështetje të procesit të integrimit të Shqipërisë në BE.

Presidenti theksoi se çelja e negociatave të anëtarësimit të Shqipërisë në BE gjatë Këshillit të qershorit do të ishte qasja më e mirë strategjike për vendin dhe për BE-në, duke patur parasysh se Shqipëria i ka shumë të qarta sfidat që duhet të kapërcejë për përparimin në hapat e mëtejshëm të procesit.

LEXO EDHE:
'Frontline'/ Lita: Influencër të lidhur me Metën e Kryemadhin janë kontrolluar nga BKH! S’justifikojnë shtëpinë! Bregu: Dosja CEZ-DIA e mbyllur

(Ilir Meta pasi takon deputetin gjerman Florian Hahn)

Kreu i Shtetit shtoi se procesi i negocimit për çdo kapitull është një mekanizëm efikas si për arritjen e rezultateve konkrete ashtu edhe për një monitorim më të afërt dhe bindës për çdo vend anëtar të Bashkimit Evropian.

Në përgjigje të interesit mbi reformën në gjyqësor, Presidenti Meta vuri në dukje se procesi i vetingut duhet të nxjerrë më shumë në pah vlerësimin mbi nivelin e profesionalizmit dhe cilësinë e vendimeve gjyqësore, të cilat janë kyç për besueshmërinë e publikut tek institucionet e drejtësisë.

TAG:
• Ilir Meta
• takim
• Hapja e negociatave
• Florian Hahn

Sondazhi i ditës:

A respektohen të drejtat e punëtorëve në Shqipëri?

• Po

  22.7%

• Jo

  25.1%

• Nuk e di

  52.3%

Vota total: 11750

• Sondazhi i ditës:

  A respektohen të drejtat e punëtorëve në Shqipëri?

  Po Jo Nuk e di