Meta takon Sattler: Të shtohen
investimet austriake në Shqipëri

Kryetari i Kuvendit, Ilir Meta ka takuar sot Ambasadorin e ri të Austrisë në Shqipëri Johann Sattler të cilit i ka kërkuar thellim të bashkëpunimit mes dy vendeve sidomos sa i takon çështjes së investimeve.

Meta pasi vlerësoi marrëdhëniet dhe bashkëpunimin e shkëlqyer mes Shqipërisë dhe Austrisë, theksoi se Kuvendi, duke marrë në konsideratë ekspertizën dhe eksperiencën e kompanive austriake, mbështet rritjen e investimeve austriake në vend.

Ambasadori i Austrisë, Johann Sattler shprehu kënaqësinë për fillimin e detyrës së re në Tiranë dhe u shpreh se mbeten ende shumë potenciale ekonomike, tregtare e kulturore që duhen shfrytëzuar, aktivitete për të cilat Ambasada do të punojë fort në bashkëpunim me aktorët qeveritare dhe jo-qeveritarë të Shqipërisë.

Kryetari i Kuvendit Meta shprehu mirënjohjen për përkrahjen e vazhdueshme të Austrisë ndaj procesit të integrimit evropian të Shqipërisë dhe vlerësoi mbështetjen austriake në avancimin e të gjitha reformave kyçe që i shërbejnë zhvillimit institucional dhe ekonomik të vendit.

Redaksia Online
(F.T/shqiptarja.com)