POP 5

Lajmet më të lexuara të 5 minutave të fundit

Ekonomi

METE: Së shpejti rezultate për
nivelin e ndotjes në Metalurgjik

Së shpejti do të ketë rezultate të prekshme mbi nivelin e ndotjes në ish-Kombinatin Metalurgjik në qytetin e Elbasanit nga industritë që ushtrojnë aktivitet ekonomik në këtë territor. Lajmi bëhet i ditur nga METE, e cila ka ngritur një grup pune për monitorimin e ndotjes.
TIRANE - Së shpejti do të ketë rezultate të prekshme mbi nivelin e ndotjes në ish-Kombinatin Metalurgjik në qytetin e Elbasanit nga industritë që ushtrojnë aktivitet ekonomik në këtë territor, sikurse edhe masat ligjore që derivojnë për rrjedhojë. Lajmi bëhet i ditur nga Ministria e Ekonomisë, tregtisë dhe Energjetikës, (METE), e cila ka ngritur një grup pune për monitorimin e ndotjes.

Grupi i punës, përbërë nga përfaqësues të METE, AKBN, Agjencia Rajonale e Mjedisit Elbasan dhe Instituti i Shëndetit Publik, (ISHP) e ka pasur të pamundur të realizojë matjet pasi është kushtëzuar nga shirat e vazhdueshëm në këto ditë.

“Në bashkëpunim edhe me degën e ISHP Elbasan dhe Agjencisë Rajonale të Mjedisit u diskutua dhe u rakordua mbi përgatitjen e teknikës profesionale dhe aparaturave përkatëse për realizimin e matjeve të nivelit të ndotjes së ajrit në ambientet e Uzinës së Çelikut dhe Petëzimit (administruar nga “Kurum International” shpk) dhe në ambientet e Uzinës së Ferro-Kromit (administruar nga shoqëria “Albanian Chrome”, bëhet e ditur në njoftimin për shtyp të Ministrisë së Ekonomisë.

Ndërkohë, METE njofton se ISHP do të vërë në dispozicion rezultatet e monitorimit të nivelit të ndotjes së ajrit në territorin e uzinave si dhe në qytetin e Elbasanit për vitin 2012, të dhëna që do të publikohen shumë shpejt.

Qyteti i Elbasanit ka pasur vazhdimisht problem me nivelin e lartë të ndotjes së ajrit si rezultat i industrive që operojnë atje, ndërkohë që ky është grupi i parë i punës që ndërmerr këtë monitorim për nivelin e ndotjes duke verifikuar në detaje përqindjen e sasisë që mbart kjo ndotje.

Sipas grupit të punës duhet një periudhë prej 48 orësh për daljen e rezultateve të para të monitorimit.

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Benfica-Barcelona vijoi edhe në tunel, policia ndaloi sherrin e dhunshëm! Fitorja e parë e Bologna-s shkarkoi trajnerin e Dortmund

Benfica-Barcelona vijoi edhe në tunel, policia ndaloi sherrin e dhunshëm! Fitorja e parë e Bologna-s shkarkoi trajnerin e Dortmund

22 Janar, 12:36