Metodë e re në
luftën kundër kancerit

Shkencëtarët kanë testuar me sukses një metodë të re për të luftuar kancerin, një “bombë inteligjente” që arrin të shkatërrojë qelizat kanceroze duke rritur njëkohësisht imunitetin e organizmit.

Sfera të vogla dërgohen në enët e gjakut të prekura nga tumori ku lëshojnë medikamentin anti-kancer.

Shkencëtarët bënë prova te minjtë mbi tumorin melanoma të lëkurës që ishte përhapur në mushkëri. Rritja e tumorit u ngadalësua në mënyrë domethënëse ndërkohë që përqindja e mbijetesës u rrit.

Teknologjia e re tejkalon një problem të njohur në trajtimin e tumoreve që ka qenë i vështirë të arrihet nga metodat e deritanishme. Tumoret kanceroze dihet që lëshojnë substance kimike të cilat e çorodisin sistemin imunitar.

Metoda e re e aplikuar nga studiuesit amerikanë të Yale University School of Medicine arrin të kombinojë të dy metodat e luftimit në mënyrë të suksesshme: nga njëra anë të luftojnë qelizat kanceroze e njëkohësisht të fuqizojnë imunitetin e trupit.

(km/shqiptarja.com)