Bota

Mianmari tejkalon Afganistanin për prodhimin e opiumit

Mianmari tani është prodhuesi më i madh në botë i opiumit, duke e tejkaluar Afganistanin, sipas një raporti të Kombeve të Bashkuara

Fusha me lulet, prej të cilave nxirret opiumi

Redaksia 12 Dhjetor 2023, 09:42 | Përditesimi: 12 Dhjetor 2023, 09:43

Mianmari tani është prodhuesi më i madh në botë i opiumit, duke e tejkaluar Afganistanin, sipas një raporti të Kombeve të Bashkuara.

Në raport përmendet se këtë vit Mianmari – vend i njohur edhe si Burma - e ka rritur prodhimin për 36 për qind, në 1.080 tonë të opiumit – përbërësit kyçë për drogën e rëndë, heroinën.

Ndër faktorët kyçë përmenden mungesa e stabilitetit të brendshëm dhe një rënie prej 95 për qind në kultivim të lulëkuqes në Afganistan, pas vënies së ndalesës në droga nga talibanët, vitin e kaluar.

LEXO EDHE:
Kryeprokurori i GJNP-së kërkon fletarrestime për udhëheqësit talibanë

Afganistani besohet se ka prodhuar 330 tonë të opiumit këtë vit.

Çmimet mesatare për kultivim të opiumit të freskët dhe të thatë në Mianmar janë rritur prej 317 dollarëve në 356 dollarë për kilogram.

Rajoni ku gjendet Mianmari dhe kufijtë e tij me Tajlandën dhe Laosin – i ashtuquajtur Trekëndëshi i Artë – ka qenë historikisht i njohur për prodhim të opiumit dhe heroinës.

Mianmari dhe Afganistani janë vendet që shesin më të shumti heroinë në gjithë botën./REL

S.S/Shqiptarja.com

TAG:

Mianmar
Afganistan

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com