Michel: BE-ja e vendosur, do të godasim naftën dhe gazin rus! Duam që Ukraina të fitojë

“Duam që Ukraina të fitojë dhe jemi të vendosur të bëjmë gjithçka për të mbështetur Kievin. Ne do të jemi përkrah ‘Ukrainës’ në procesin e rindërtimit”. Kështu deklaroi presidenti i Këshillit të BE-së Charles Michel në një konferencë për shtyp nga Kievi.

“Ne luftojmë për vlerat themeluese të BE-së dhe demokracisë. Do të jetë gjithashtu e rëndësishme të mblidhen prova për krimet e kryera”, shtoi ai.

LEXO EDHE:
BE i jep Ukrainës 1.6 miliardë dollarë fonde nga asetet e ngrira ruse

“Putini nuk do të ketë sukses në shkatërrimin e sovranitetit të Ukrainës dhe gjithashtu në ndarjen e BE-së. E kam thënë tashmë: herët a vonë do të godasim edhe naftën dhe gazin rus. Ne kemi vendosur tashmë që duam të ndalojmë varësinë tonë nga Rusia dhe po punojmë për këtë”, përfundoi Michel, duke iu përgjigjur atyre që e pyetën për ndalimin e mundshëm të Gjermanisë ndaj sanksioneve të mëtejshme energjetike kundër Moskës.

Lajmi kryesor:

Moska kërcënon me testimin e raketës së re balistike ‘Sarmat’! Zelensky: I gatshëm të bisedoj me Putin! Turqia: Ka vende në NATO që duan një luftë të gjatë për të shfuqizuar Rusinë

J.GJ./Shqiptarja.com

TAG:
• ukraine
• rusia sulmon ukrainen
• Rusi