POP 5

Lajmet më të lexuara të 5 minutave të fundit

Kronikë

Mijëra fidanë të rinj, Lazarati
rifillon mbjelljen e hashashit

Në vend të luleve është mbjellë drogë. Kjo është shpikja e banorëve të fshatit Lazarat, tashmë i famshëm ndërkombëtarisht për kultivimin e hashashit, që eskportohet në pjesën më të madhe të vendeve të Evropës. 
Mijëra fidanë të rinj, Lazarati<br />rifillon mbjelljen e hashashit
TIRANE- Në vend të luleve është mbjellë drogë. Kjo është shpikja e banorëve të fshatit Lazarat, tashmë i famshëm ndërkombëtarisht për kultivimin e hashashit, që eskportohet në pjesën më të madhe të vendeve të Evropës. Kamera e televizionit “A1 Report” dhe redaksia e gazetës “Shqiptarja.com” sjell eksluzivisht një tablo panoramike mbi atë që ndodh realisht në banesat e banorëve të këtij fshatit. Qindra vazo lulesh të mbjella me fidanë të mariuanës, janë vendosur në taracat e shtëpive dhe vende ku rrezet e diellit qëndrojnë më tepër gjatë ditës, gjë e cila mundëson rritjen sa më shpejt të fidanëve të marijuanës.

Është koha e fushatës, ku banorët e këtij fshati krijojnë plantacionet me mijëra fidanishte, dhe më pas i mbjellin në sipërfaqe tokësore më të gjera. Grupi i xhirimit i televizionit “A1 Report” gjatë komunikimit me banorë të fshatit, mësoi se mbjellja e fidanëve në vazot e luleve, nuk është për herë të parë, por kjo praktikë është përdorur prej disa vite me radhë. Një strategji e tillë sjell mbrojtjen dhe rritjen sa më shpejt të kanabisit, ndërkohë që dhe mundësia për fshehjen sa më shpejt në rast kontrolli policor, është më efiçente.

Lazarati vazhdon…
Lazarati, fshati ku kryetari i komunës Dasho Aliko udhëton drejt Tiranës për të protestuar kundër mbjelljes, shitjes dhe trafikut të drogës, vijon punën e tij duke mbushur me fidanë taracat e shtëpisë. Vazo lulesh, thasë, kova dhe vazo të ndryshme të mbjella me hashash gjen kudo, në taracë, mbi murret rrethuese të shtëpive, në oborre dhe në çdo vend ku dielli qëndron gjatë gjithë ditës. Gjithçka është e dukshme, por askush nuk guxon ta ndalë këtë fushatë të kundraligjshme. Madje as vetë kryetari i kësaj komune Dasho Aliko, që ditën kur udhëtoi drejt Tiranës për të protestuar kundër drogës, sigurisht që syri i kapi plantacionet e fidanishteve mbi taraca, por nuk guxoi ta denoncojë apo të ndalojë këtë situatë kriminale. Lazarati vazhdon punën e tij, ndërkohë që politika çdo ditë bën retorikën e trafikut të drogës.

Policia asnjë aksion
Në kulmin e fushatës për ritjen e fidanishteve, Policia e Shtetit ende nuk ka kryer një aksion për parandalimin e kësaj situate. Tek-tuk, në fshat gjatë kësaj kohe kanë hyrë drejtues të lartë të Policisë së Shtetit, ku kanë zhvilluar takime me banorë, nxënës të shkollës dhe zyrtarë të këtij fshati, por asnjërit nuk i ka rënë në sy kjo situatë, ku shfaqen mijëra fidanë marjuane mbi çatitë e shtëpive. Banorët i thanë grupit të xhirimit të televizionit “A1 Report” se deri tani policia nuk ka marrë asnjë aksion për të hyrë në fshat dhe shkatërruar mijëra fidanishte që së shpejti do të mbillen në parcela.

Policia luan futboll
Teksa lazaratasit kanë mbushur çatitë e shtëpive me drogë, ata gjejnë kohën të luajnë dhe futboll me efektivat e Drejtorisë së Policisë Gjirokastër. Një aktivitet i tillë është zhvilluar disa javë më parë, ku në ndeshjen e futbollit mes djemve të Lazaratit dhe efektivave të policisë, fitues kanë dalë lazaratasit. Ndërkohë që pak ditë më parë kryeministri Edi Rama, deklaroi se policia do ndërhyjë në Lazarat, kur të jetë momenti i duhur.

Redaksia Online
(d.a/shqiptarja.com)

  • Sondazhi i ditës:

    Mendoni se arrihet objektivi i qeverisë për pagë mesatare 900 euro?

Lajme të tjera



×

Lajmi i fundit

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

DASH e shpalli ‘Non Grata’ Berishën, 65% e shqiptarëve e mendojnë të drejtë vendimin amerikan

29 Mars, 23:54