Mijëra njerëz dolën në rrugët e Madridit dhe Barcelonës të premten mbrëma dhe morën pjesë në marshimet e organizuara për Ditën Ndërkombëtare Kundër Dhunës ndaj Gruas.
Në Madrid, protestuesit të veshur me ngjyrë vjollce, marshuan në Gran Via në qendër të qytetit duke mbajtur pankarta dhe duke brohoritur "jo është jo, çdo gjë tjetër është përdhunim" dhe "ne gratë nuk jemi produkte", gjithashtu në Barcelonë njerëzit u bienin daulleve dhe ndezën flakë nëpër qytet, raporton Reuters.
Që nga viti 2003, kur zyra e statistikave filloi zyrtarisht numërimin e humbjeve, 1,171 gra kanë vdekur si pasojë e dhunës me bazë gjinore në Spanjë, sipas Ministrisë së Barazisë.
Deri më tani në vitin 2022 kanë humbur jetën 38 gra.
“Kam ardhur këtu për shkak të problemit të dhunës me bazë gjinore, për shkak të gjithë këtyre vdekjeve që shkaktohen, keqtrajtimit të grave”, tha një mësuese 42-vjeçare dhe banore e Madridit, Susana Rita.
Kryeministri i Spanjës Pedro Sanchez u bëri thirrje burrave që të ndërmarrin hapa përpara për të ndaluar dhunën me bazë gjinore. “Dhuna nga burrat është një realitet tragjik që na turpëron çdo ditë,” vuri në dukje ai.
Ligji i ri “vetëm po do të thotë po” u krijua pas rastit La Manada të vitit 2016 ose “tufa e ujqërve”, kur pesë burra përdhunuan një grua 18-vjeçare në Pamplona. Sipas ligjit, çdo marrëdhënie seksuale pa konsensus do të klasifikohet si përdhunim. Megjithatë, në ligj përcaktohen dënime minimale më të ulëta për disa krime seksuale.
Protestat në Madrid dhe Barcelonë vijnë pasi u zbulua se dënimet me burg për disa burra ishin reduktuar për shkak të një mangësie në ligj që përcakton dënimet për abuzimin seksual, duke shkaktuar zemërim global dhe një grindje të ashpër midis politikanëve.
Pasi të paktën 11 abuzues seksualë të dënuar kohët e fundit iu reduktuan dënimet e burgut ndërsa 5 u liruan pas miratimit të ligjit të ri, sipas agjencisë së lajmeve Europa Press.
“Vetëm po do të thotë po”, thërrisnin mbrëmjen e djeshme turmat që morën pjesë në marshimet që kërkonin t’i jepet fund dhunës ndaj grave.
Lajme të tjera
-
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Shtyhet inaugurimi, Barcelona rikthehet me vonesë në 'Camp Nou-n' e ri
21 Nëntor, 16:07 -
Rafael Nadal tërhiqet zyrtarisht nga tenisi
20 Nëntor, 22:27 -
Në kërkim nga autoritet shqiptare, i riu vetëvritet në Spanjë! Mik i ngushtë i Cllevio Serbianos
20 Nëntor, 10:37 -
Pjesë e grupit që xhironte 10 mijë euro kokainë në ditë, 32-vjeçari shqiptar kapet në Spanjë dhe ekstradohet në Itali! E shpërndanin me makina luksoze të shpejta
18 Nëntor, 17:05 -
Jorge Martin shpallet kampion në MotoGP
18 Nëntor, 09:51 -
Të paktën dhjetë të vdekur pas zjarrit në një shtëpi të pleqve në Spanjë
15 Nëntor, 12:30 -
Spanjë/ Rikthehen përmbytjet, Malaga më e rrezikuara! Mbyllen shkollat dhe evakuohen banorët
13 Nëntor, 22:31 -
VIDEO/ Barcelona pëson humbjen e dytë, baskët e Real Sociedad e mposhtin me një gol
10 Nëntor, 23:00 -
2024 pritet të jetë viti më i nxehtë në histori
10 Nëntor, 20:12 -
VIDEO/ Përplasje të dhunshme mes policisë dhe protestuesve në Valencia të Spanjës
10 Nëntor, 16:47 -
Ndihmonte kriminelët të shkarkonin drogën nga Ekuadori, arrestohet shefi i Krimit Ekonomik në Spanjë! I gjenden 20 mln euro cash, 8 prej tyre i fshehu në mur (VIDEO)
10 Nëntor, 15:52
