POP 5

Lajmet më të lexuara të 5 minutave të fundit

Sport

Milan thyen mallkimin 10-vjeçar, 'poshtëron' Juventusin në 'Allianz Stadium'! 'Zonja' në rrezik serioz për Champions-in (VIDEO)

Pas 10 vitesh Milan ka marrë fitoren e parë në transfertë kundër Juves dhe të parën në stadiumin ‘Allianz Stadium’. Gjithsesi humbja me shifrat 0-3 i ka dhënë një goditje të rëndë Juventusit, që rrezikon tej mase të mos kualifikohet në Champions League sezonin e ardhshëm.

Milan ka arritur të thyejë mallkimin e stadiumin ‘Allianz’ të Juventusit pasi ka mposhtur këtë të fundit me rezultatin e thellë 0-3 në ndeshjen e vlefshme për javën e 35 të Seria A. ‘Djalli’ që nuk kishte fituar prej 10 vitesh në transfertë e bëri këtë në momentin më deçiziv të kampionatit, duke shkaktuar furtunë në shtëpinë bardhezi.

Ndeshja do të zhbllokohej nga Diaz në fundin e pjesës së parë me një perlë në kufijtë e zonës, ndërsa para se të vinte goli i dytë Kessie gaboi një penallti. Ai që dyfishoi shifrat ishte Ante Rebic, i cili jo vetëm la të shtangur portierin e Juventusit, por edhe realizoi një nga golat më të bukur të Seria A për këtë sezon. Me tej pati kohë edhe për mbrojtësin Tomori, që shënoi golin e parë me bluzën e ‘djallit’.

Me këtë fitore Milan është ngjitur në vendin e tretë dhe ka hedhur një hap të sigurtë drejt kualifikimit në Champions League, ndërsa krej e kundërta ka ndodhur me Juventusin. ‘Zonja e vjetër’ ka zbritur në vendin e pestë, ndërsa tani ka edhe disavantazhin e ndeshjeve direkte me Milanin.

Ndërkohë në Francë Paris SG ka hedhur një hap tejet të gabuar në luftën për titull kampion. Brazimi 1-1 në transfertë kundër Rennes i ka lënë parsienët 3 pikë larg Lille-s së vendit të parë kur kanë mbetur edhe dy javë kampionat. Për skuadrën e Pochetinos ky do të ishte një dështim i madh në një kohë kur edhe në Champions League u eliminuan. Në këtë mënyrë shpenzimet miliardere nuk do të kishin asnjë lloj justifikimi.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Tiranë/ Deputeti Asllan Dogjani paraqitet në GJKKO për seancën paraprake! I pandehur për fshehje dhe mosdeklarim pasurie

Tiranë/ Deputeti Asllan Dogjani paraqitet në GJKKO për seancën paraprake! I pandehur për fshehje dhe mosdeklarim pasurie

10 Janar, 13:08