Milani barazon me United në Europa League, prenotojnë çerekfinalet Roma, Arsenal e Tottenham

Superndeshja e fazës së 1/8 të Europa League mes Manchester United dhe Milanit nuk ka prodhuar fitues në aktin e parë. Në “Old Traford” italianët bënë një paraqitje të mirë dhe barazuan 1-1 ndaj anglezëve. Në fillimin e pjesës së dytë United kaloi në avantazh me Diallo por në kohën shtesë barazoi po me kokë mbrojtësi Kjaer për Milanin. Kualifikimi është i hapur dhe vendoset pas një jave në “San Siro”.

 Ekipi tjetër italian Roma hipotekoi kalimin për në çerekfinalet e Euopa League pasi mposhti 3-0 Shakhtar Donetsk në “Olimpico”. Ndeshja e parë e 1/8 u zhbllokua nga Lorenzo Pellegrini e më pas realizuan edhe El Shaaraëy e Mancini. Verdhekuqtë gati sigurojnë kalimin më tej.

Edhe dy ekipet e tjera angleze Arsenal e Tottenham i kanë fituar duelet e para të 1/8 në Europa League dhe hedhin një hap të rëndësishëm për të kaluar më tej. Arsenali triumfoi në Greqi 3-1 ndaj Olympiacos. Oodegaard , Gabriel dhe Elneny ishin autorët e golave për londinezët.

Ndërkaq falë dygolëshit të Harry Kane , Tottenham likuidoi 2-0 Dinamon e Zagrebit dhe hipotekon fazën çerekfinale.  Fitore me aromë kualifikimi arritën edhe Ajax e dy ekipet spanjolle Villarreal e Granada./Përgatiti Andi Kapxhiu

B.K./r.k./Shqiptarja.com
  • Sondazhi i ditës:

    A mund ta bëjë SPAK vettingun e politikanëve?

Komento


×

Lajmi i fundit

John

Akuzat e Berishës se Basha është marrë peng nga Rama, Çupi në Report Tv: Nuk bëhet fjalë, 3 propozimet për ndryshimin e kushtetutës i kemi artikuluar gjithmonë