POP 5

Lajmet më të lexuara të 5 minutave të fundit

Sport

Milani mund edhe Venezian dhe kap Interin, më në fund fiton Juventusi, Real Madrid goleadë e kryesim në La Liga

Milani mposht edhe Venecian dhe “kap” Interin në krye të klasifikimit. Juventusi më në fund siguroi fitoren e parë në Serinë A. Në javën e pestë bardhezinjtë mundën Specian 3-2 ndërsa Real Madrid vijon të kryesojë në Spanjë.

Milani vijon të fitojë dhe në javën e pestë mposhti 2-0 Venezian duke kapur Interin në krye të klasifikimit të Serisë A me 13 pikë. Edhe pse me lojtarë që më shumë kanë qëndruar në pankinë kuqezinjtë dominuan që nga fillimi por golat i shënuan kur në fushë u fut Theo Hernadez. Mbrojtësi i majtë fillimisht shërbeu asist për Brahim Diaz e më pas shënoi vet.

U deshën pesë javë kampionat që Juventusi të siguronte fitoren e parë në Serinë A. Pas një nisje të tmerrshme bardhezinjtë mposhtën me përmbysje në transfertë Spezian 3-2 dhe ngjiten në kuotën e 5 pikëve. Ndeshja e djeshme ishte spektakolare me Ken që kaloi torinezët në avantazh por Spezia shënoi dy herë më pas me Gyasi e Antiste. Juventusi e përmbysi rezultatin falë golave të Chiesa e De Ligt dhe sheh dritë në fund të tunelit. Tre pikë të “pista” por shumë të vlefshme për bardhezinjtë. Java e pestë në Itali mbyllet sot kur në fushë zbresin Napoli, Lazio e Roma.

Në La Liga Real Madrid po fiton dhe dëfrehet. Los Blancos luajtën tenis me Mallorca-n në Bernabeu duke fituar 6-1 dhe rimarrin kryesimin me 16 pikë në 6 ndeshje të luajtura. Njeriu i ndeshjes ishte Marco Asensio që shënoi tre gola ,dy herë e tundi rrjetën Karim Benzema dhe një gol e shtoi Isco. Sot Barcelona luan në transfertë ndaj Cadiz.

Në Kupën e Ligës në Angli Ëest Ham eliminoi Manchester United duke fituar 1-0 në “Old Traford” ndërsa u kualifikuan Chelsea, Arsenal e Tottenham./Përgatiti Andi Kapxhiu

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça