POP 5

Lajmet më të lexuara të 5 minutave të fundit

Politikë

Mimi Kodheli rizgjidhet zv.presidente e Asamblesë Parlamentare të NATO-s

Mimi Kodheli është rizgjedhur në mënyrë unanime sërish si zëvendëspresidente e Asamblesë Parlamentare të NATO-s. Kodheli është e para grua shqipatre që mban këtë post që prej nëntorit të vitit të kaluar në një organizatë ndërkombëtare. 

Mimi Kodheli rizgjidhet zv.presidente e Asamblesë Parlamentare të NATO-s

Mimi Kodheli

Shqipëria do të vijojë të ketë përfaqësuesen e saj në Asamblenë e Parlamentare të NATOS, kjo sepse Mimi Kodheli është  zgjedhur sërish në mënyrë unanime si zëvendëspresidente. Kryetarja e Komisionit për Politikën e Jashtme, Mimi Kodheli është e para para shqiptare që zgjidhet në një pozicion të tillë të një organizate ndërkombëtare.

Kodheli mori pjesë në sesionin vjetor të Asamblesë Parlamentare të NATO-s që u zhvillua në Lisbonë, në datat 8-11 tetor. Diskutimet e këtij sesioni u përqendruan në tema si Afganistani, Koncepti Strategjik i NATO 2030, situata post elektorale në Rusi si dhe situata  në Lindjen e Mesme.

Kryetarja e Dhomës së Përfaqësuesve në SHBA, Nancy Pelosiu u shpall fituese e çmimit “Women for Peace and Security 2021”, një çmim i dhënë për herë të parë nga Asambleja. Gjatë fjalimit të saj si e ftuar speciale e këtij sesioni në Lisbonë, Pelosi tha se, prioritizimi i edukimit të grave mbetet një prej shtyllave drejtuese të punës së saj të përditshme. Ajo përfundoi duke thënë se SHBA beson se gratë mund t’ia dalin dhe prandaj SHBA ja del.

Kujtojmë që Mimi Kodheli e mban postin e zëvendëspresidentes së Asamblesë Parlamentare të NATO-s që prej 23 nëntorit të vitit të kaluar.

Kush është Mimi Kodheli?

Mimi Kodheli është Doktore e Shkencave Ekonomike prej vitit 2007 dhe ka kryer Master në Administrim Biznesi në Universitetin Lincoln, Nebraska, SHBA, në bashkëpunim me Universitetin e Tiranës në vitin 2000. Ajo është diplomuar në Universitetin e Tiranës, Fakulteti Ekonomik, Dega Financë, në vitin 1986.

Kodheli ka hyrë në politikë në vitin 2002, kur edhe u emërua Zëvëndëskryetare e Bashkisë së Tiranës.  Në vitin 2005, u emërua Prefekte e Qarkut të Tiranës. Prej vitit 2009 është zgjedhur deputete e Kuvendit të Shqipërisë. Por në zgjedhjet parlamentare të 25 prillit, Kodheli u vendos jashtë listës së sigurt, përkatësisht në vendin 21. Ajo nuk arriti t’i mblidhte votat për të thyer herësin, por me dorëheqjen e Najada Çomos, madati i deputetit i shkoi Kodhelit.

Në karrierën parlamentare, Kodheli ka mbajtur pozicionin e Zëvendëskryetares së Komisionit të Ekonomisë dhe Financave përgjatë legjislaturës 2009-2013 dhe aktualisht është Kryetare e Komisionit për Politikën e Jashtme. Gjatë viteve 2013-2017 ka shërbyer si Ministre e Mbrojtjes e Shqipërisë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Edmond: 12/10/2021 19:31

    A nuk gjetet nje mini-hajdute por vendoset ket super hajduten hahahh

    Përgjigju
  • redi: 12/10/2021 16:17

    Mimi Kdheli eshte perfaqesuesja me e denje e politikes shqiptare . Per personalitetin e larte qe ka Nato e eivendisi ne pistin e larte te zv.presidentes se asamblese se saj

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

Yjet tregojnë se do të ketë perspektiva dhe mundësi të reja për avancim në karrierë, horoskopi per sot

24 Nëntor, 07:05