Më shumë se gjysma e njerëzimit, sipas vlerësimeve, përdorin rrjetet sociale – midis katër e gjysmë dhe pesë miliardë njerëz. Rrjetet sociale kanë hyrë në pothuajse të gjitha fushat e jetës. Veçanërisht fëmijët, adoleshentët dhe të rinjtë i përdorin këto platforma në mënyrë intensive. Çfarë do të thotë kjo për të rinjtë është një temë e diskutueshme për të cilën kërkimet shkencore ende kanë shumë pyetje të hapura. Megjithatë, pyetjes se çfarë ndikimi ka përdorimi i platformave të mediave sociale në psikologjinë dhe sjelljen e të rinjve nuk mund ti përgjigjesh në mënyrë të përgjithshme. Sepse, siç ndodh shpesh, nuk ka vetëm bardhë dhe zi, por edhe shumë nuanca gri.
Për më tepër, të dhënat, të cilat mund të ofronin informacione se si ndihen përdoruesit nga ndikimi i këtyre mediave sociale, zakonisht nuk publikohen nga kompanitë e mëdha si Meta, ByteDance ose X. Kërkimet ekzistuese mbi përdorimin e mediave sociale gjithashtu sugjerojnë se lidhja midis përdorimit të mediave sociale dhe shëndetit mendor është shumëdimensionale dhe komplekse. Shkenca ende ka shumë pyetje të paqarta në këtë drejtim, sepse efektet afatgjata të përdorimit intensiv të rrjeteve sociale janë të vështira për t'u përcaktuar. Por ka mjaftushëm tregues sot për disa pasoja negative.
Një nga shqetësimet më të përmendura lidhet me paraqitjen e trupave idealë në rrjetet sociale. Platforma si Instagram dhe TikTok shpesh promovojnë përmes filtrave dhe imazheve të retushuara ideale jorealiste të bukurisë, të cilat te të rinjtë mund të çojnë në një imazh negativ të trupit, pakënaqësi dhe, në raste ekstreme, çrregullime të të ngrënit. Studimet tregojnë se veçanërisht vajzat janë më të ndjeshme ndaj problemeve të perceptimit të trupit për shkak të këtij ekspozimi të vazhdueshëm.
Rrjedha e shpejtë e përmbajtjes në platforma si TikTok dhe Snapchat mund të ndikojë në aftësinë për të mbajtur vëmendjen, pasi këto aplikacione janë të krijuara për të mbajtur përdoruesit të lidhur për sa më gjatë. Presioni për t'u paraqitur vazhdimisht dhe për t'u krahasuar me të tjerët mund të shkaktojë ankth tek të rinjtë. Disponimi i vazhdueshëm dhe ndjenja se duhet të jesh gjithmonë "prezent" gjithashtu mund të çojë në stres. Mediat sociale janë po ashtu të dizajnuara në atë mënyrë që të krijojnë stimuj të vazhdueshëm për t'u kthyer, përmes pëlqimeve, komenteve dhe njoftimeve. Këto mekanizma nxisin sjellje të varësisë, e cila mund të jetë veçanërisht problematike për të rinjtë.
Do të ishte e lehtë të fajësoje sot vetëm brezin e ri që përdorin platformat Tiktok, Instagram apo Snapchat apo pirndërit dhe mësuesit që nuk i kanë nën kontroll fëmijët. Ne nuk duhet të harrojmë se kemi të bëjmë sot me një industri shumë të fuqishme. Vetëm platformat Meta kanë gjithsej më shumë se tre miliardë përdorues. Ju takon Institucioneve, qeverive përkatse, apo Komisioni Evropian që të ndërmarrin veprimet e duhura për tja lehtësuar barrën familjeve dhe shkollave duke marrë rregulla të qarta nga lart. Akti i Shërbimeve Dixhitale të BE-së është një hap i parë i mirë. Ndër të tjera, ai rregullon që të drejtat themelore të përdoruesve të mbrohen më mirë në internet. Procedurat e para kundër kësaj industrie tashmë kanë nisur dhe priten së shpejti masa edhe më të ashpra. Megjithatë, promovimi i një qasjeje të shëndetshme ndaj mediave sociale, mbetet një sfidë e së ardhmes. /Tema/
Lajme të tjera
-
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Mbyllja e TikTok, Balla: Platforma nuk përmbushi detyrimin për moderimin e postimeve në gjuhën shqipe
24 Dhjetor, 12:17 -
Kryeministri grek: Masa ndaj rrjeteve sociale, por jo bllokime të rrepta
23 Dhjetor, 16:35 -
A do të ndalohet TikTok në SHBA? Trump: Ndoshta duhet ta mbajmë edhe pak kohë
23 Dhjetor, 10:01 -
Mbyllja e TikTok në Shqipëri/ The Telegraph: Ndalimi i parë i këtij lloji në Europë
23 Dhjetor, 08:18 -
Ndalimi i Tik Tok-ut, Rama i përgjigjet kompanisë kineze: Në Shqipëri vendosin shqiptarët jo pronarët e algoritmit! S' ka pse kërkon sqarime, mbrojmë fëmijët
22 Dhjetor, 17:12 -
Mbyllja e Tik Tok, Berisha: Edi Rama vendosi ta ndalojë, aksionet e tij kanë rënë në mediat sociale! Do hapet pas zgjedhjeve, vazhdoni postoni
22 Dhjetor, 15:20 -
A është zgjidhje mbyllja e TikTok- ut? Flet eksperti: Pro nismës së Ramës, por kontentin me dhunë e gjenerojnë shqiptarët jo platforma
22 Dhjetor, 15:09 -
Zhupa: Vrasjen e paramenduar të Ramës kundër Tik Tok për arsye elektorale nuk do ta lejojmë
22 Dhjetor, 12:52 -
Mbyllja e TikTok, ish ambasadorja e BE-së mbështet nismën: Shqipëria s' ka frikë, nuk qenka kaq e vështirë, Europë
22 Dhjetor, 10:17 -
Rrjetet sociale: 10 përqindëshi që “bërtet” dhe krijon iluzionin e shumicës
22 Dhjetor, 10:12 -
AKSK: Nisim procesin tekniko-ligjor për bllokimin e TikTok
22 Dhjetor, 08:41
