Mina nga Miloti për grupet kriminale në Vlorë, do shiteshin për 10 mijë euro

Katër minat me telekomandë që iu kapën Petrit Ndojit nga Lezha do të shiteshin për 10 mijë euro.

Minat me telekomandë me eksploziv C4, ishin fshehur në kroskotin e automjetit tip ‘Ford Fiesta’ me të cilën po udhëtonte në rrugën ‘Gjergj Kastrioti’ ku dhe u krye arrestimi.

Ndërhyrja e policisë ka ardhur sapo Petrit Ndoji është futur në qytetin bregdetar aty ku do dorëzonte minat.

Burime pranë grupit hetimor bënë me dije se ka dyshime që 51-vjeçari, me precedent të mëparshëm kriminal merrte minat me telekomandë në zonën e Milotit dhe nga aty i shiste në Vlorë për llogari të grupeve kriminale. Edhe 4 minat që u kapën do shiteshin për 10 mijë euro, mëson Tv klan.

Lajmi kryesor:

Me 4 mina me telekomandë në makinë, prangoset 51-vjeçari në Vlorë! Dyshohet se do përdoreshin për ngjarje kriminale! Pamje nga arrestimi (VIDEO)

S.G/Shqiptarja.com

TAG:
• Knock Out
• grup kriminal
• petrit ndoji
• Vlore
• mina me telekomande