Gjykata e Tiranës ka dhënë masën e sigurisë "arrest me burg" për dy të rinjtë të cilët u arrestuan pak ditë më parë parë pasi iu gjetën mina me sahat. 

Eraldo Katroshi, 19 vjeç dhe Jurgen Muho, 24-vjeç, kanë kyçur gojën përpara trupit gjykues, ndërsa gjykata ka vendosur lënien e tyre në burg. 

Dy të rinjtë akuzohen për "mbajtje pa leje te armeve shperthyese". 

Edhe pse janë marrë në pyetje disa herë, Katroshi e Muho nuk kanë dhënë emrat e porositësve të minave me telekomandë. 

Eraldo Katroshi Jurgen Muhos
Eraldo Katroshi dhe Jurgen Muho sot para gjykatës

Dy të rinjtë ishin duke lëvizur me makinë në rrugën "Teodor Keko" në kryeqytet, kur Policia ka ndërhyrë befasisht dhe ka gjetur 3 minat, të cilët ishin të lidhura me një telefon Nokia.

Burime nga Policia e Tiranës thanë për Report Tv se minat ishin përgatitur për t'u shitur tek persona të tjerë. Këto mina përdoren shpesh në shpërthime që ndodhin poshte makinave apo objekteve të tjerë.

[gallery]23876[/gallery]

Redaksia Online
l.q/Shqiptarja.com