Ministrat e Mbrojtjes të BE kundër Macron për Nato-n, Europa 13 projekte për mbrojtjen, armë elektronike dhe teknologji balistike

Pas deklaratës së presidentit francez Emmanuel Macron se NATO ndodhet në vdekje klinike, Ministrat e Mbrojtjes të Bashkimit Europian u takuan në Bruksel për të diskutuar rolin e Alencës Veri atlantike.

Ministrat kanë miratuar një listë me 13 projekte në sektorin e sigurisë dhe mbrojtjes. Ideja është që të zhvillohen aftësitë mbrojtëse dhe të përmirësohet gatishmëria operative dhe kontributi i forcave të armatosura të NATO-s.

Ministër i Mbrojtjes i Austrisë tha se 'NATO nuk është goditur nga emoragjia celebrale. Ne kemi dy organizata funksionuese, aleancën ushtarake nga njëra anë, por mbi të gjitha Bashkimi Europian".

Duke folur në Forumin e Paqes në Paris, Macron, i quajti kritikët si hipokritë sepse sipas ti, 'ata refuzojnë të njohin joefikasitetin e organizatës".

Sipas planeve, me të cilat ranë dakord ministrat e mbrojtjes të BE-së në Bruksel, do të fillojë puna për një anije të re patrullimi, një armë elektronike zhurmimi për avionët dhe teknologji për gjurmimin e raketave balistike.

Rreth 47 projekte të përbashkëta mbrojtjeje mes vendeve të BE-së janë tashmë në proces e sipër pas nënshkrimit të një pakti nga Franca, Gjermania dhe 23 qeveri të tjera të bllokut në fund të vitit 2017.

Pakti synon financimin, zhvillimin dhe stacionimin e forcave të armatosura nga këto vende pas vendimit të Britanisë për t’u larguar nga BE-ja.

Çdo armë e re në tokë, det, ajër ose në hapësirën kibernetike mund të vihet në dispozicion të NATO-s, por vënia në pikëpyetje e rëndësisë së aleancës nga presidenti amerikan Donald Trump, i ka dhënë shtysë të re përpjekjeve evropiane të mbrojtjes.

TAG:
• nato
• BE
• Bruksel
• macron
• Forumi i Paqes