Ministri Balla: Të zbardhet sa më shpejt atentati në Memaliaj! Ngjarjet e vjetra kriminale rrezik potencial për të reja

Ministri i Brendshëm, Taulant Balla, ka kërkuar zbardhjen sa më shpejt të atentatit në Memaliaj, atje ku mesnatën e së shtunës, mbetën të vrarë 3 persona dhe u plagos një i katërt.

Përmes një reagimi në rrjetet sociale, Balla shprehet se drejtuesit më të lartë të Policisë së Shtetit ndodhen në Memaliaj, ndërsa theksoi se nga ngjarje të vjetra kriminale mund të lindin të reja.

“Është detyrë kryesore e Policisë së Shtetit parandalimi i ngjarjeve kriminale, duke vlerësuar rrezikun dhe u angazhuar në zbardhjen e ngjarjeve të vjetra kriminale. Janë këto ngjarje të vjetra kriminale rrezik potencial për ngjarje të reja. Ndërsa drejtuesit më të lartë të Policisë së Shtetit janë në Memaliaj ku presim zbardhjen sa më parë të jetë e mundur, Drejtoria Vendore e Policisë Lezhë sapo ka parandaluar një ngjarje të rëndë kriminale. Falë reagimit në kohë janë sekuestruar armët e zjarri dhe mina me telekomandë, të cilat do të përdoreshin dhe është ndaluar në flagrancë autori i dyshuar”, tha ai.

Lajmi kryesor:

Atentat me tre të vrarë në Memaliaj/ Ekzekutohet babai i Andrea Kalemit, i plagosin xhaxhanë! Vritet klienti e kamarieri i lokalit! Dyshohet hakmarrje ndaj të birit (VIDEO)

S.B/Shqiptarja.com

TAG:
• Gjirokaster
• memaliaj
• andrea kalemi
• mallakaster
• Shyqyri Kalemi
• Gledio Muka
• Marsel Cela
• Artur Kalemi
• edmond papa
• aleksander sadikaj
• atentat i trefishte ne memaliaj