POP 5

Lajmet më të lexuara të 5 minutave të fundit

Bota

Ministri francez shuan zërat për përplasje mes Macron dhe Scholz: Nuk ka konflikt Gjermani-Francë

Ministri i Jashtëm francez, Stéphane Séjourné nuk shikon përçarje mes Berlinit dhe Parisit megjithë diferencat mes presidentit francez, Emmanuel Macron dhe kancelarit gjerman, Scholz.

Ministri francez shuan zërat për përplasje mes Macron dhe Scholz: Nuk ka konflikt Gjermani-Francë

Kancelari gjerman Olaf Scholz dhe presidenti francez Emmanuel Macron

Në një intervistë të ministrit të Jashtëm francez, Stéphane Séjourné për gazetën franceze, "Le Monde" theksohet se nuk ka ndarje mes Gjermanisë dhe Francës në lidhje me Ukrainën. "Nuk ka konflikt gjermano-francez, ne jemi dakord për 80% të temave", ka thënë Séjourné për "Le Monde" të shtunën (02.03.). Më tej Stéphane Séjourné ka theksuar, se ka biseduar me kolegen gjermane, Annalena Baerbock (Të Gjelbrit) dhe se të dy do takohen të martën në Paris. "Ekziston vullneti që të flasim me njëri-tjetrin." Gjermania dhe Franca kanë të "njëjtin qëllim, që të mbështesin Ukrainën", tha ministri i Jashtëm francez. "Nuk ka dramë" këtu.

Macron refuzohet për idenë e trupave perëndimore në Ukrainë

Pikë e dukshme mospajtimi mes Gjermanisë dhe Francës është këtë kohë mënyra e ndihmës që i jepet Ukrainës të sulmuar brutalisht nga Rusia. Në një konferencë ndërkombëtare për Ukrainën të hënën, Macroni kishte tërhequr vëmendjen për vende që ishin të rezervuara për të furnizuar Ukrainën me armë të rënda, dhe me këtë kishte aluduar për hezitimin gjerman për furnizimin me armë në fillim të luftës. Përtej kësaj, Macroni tha se nuk duhet të përjashtohet dërgimi i trupave perëndimore në Ukrainë. Kjo u prit me refuzim të plotë në Europë. Kancelari Scholz (SPD) mbajti qëndrim të qartë kundër dërgimit të trupave perëndimore në Ukrainë.

Ministri i Jashtëm francez, Séjourné i hodhi poshtë vlerësimet,se debati për prezencën ushtarake në Ukrainë ka motive zgjedhore. Në qershor zhvillohen zgjedhjet për Parlamentin Europian. "Çështja është (...)ekzistenciale." Ai theksoi se "do të preferonte që të kishte një konsensus të gjerë." DW

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02