Ministri grek në SHBA, maqedonasit:
Do të rrëzojë platformën shqiptare

Ministri i Jashtëm grek Nikos Kotzias po zhvillon një vizitë në Uashington.
 
Vizita ka shkaktuar frikë te maqedonasit, pasi sipas gazetës “Dnevnik”, ai pritet të shprehë linjat e kuqe për Maqedoninë, sa i përket bllokimit të saj në procesin e anëtarësimit në NATO dhe BE, për shkak të moszgjidhjes së emrit.
 
Sipas gazetës, Kotzias do të “hedhë poshtë platformën shqiptare dhe në tryezë do të vendos atë greke”.
 
Në takimet me zyrtarët më të lartë të Departamentit të Shtetit Kotzias pritet që të shprehë qëndrimet e Athinës lidhur me zhvillimet rajonale dhe sidomos ato në Maqedoni./ Ina online


dy.b/shqiptarja.com