Ministri i Mbrojtjes Niko Peleshi zhvilloi një bashkëbisedim online me të gjithë përfaqësuesit e Shqipërisë në misione jashtë vendit. I shoqëruar edhe nga Shefi i Shtabit të Përgjithshëm të Forcave të Armatosura Gjeneral Brigade Arben Kingji, Ministri Peleshi i përgëzoi ata për kontributin dhe punën e bërë gjatë këtij viti tejet të ngarkuar për sigurinë dhe paqen në botë.
“Gjatë vitit që po lëmë pas, puna juaj dhe e FA dhe në veçanti e atyre që janë në misione ndërkombëtare ka marrë një tjetër përmasë. Ky ishte një vit me lajme jo të mira për sigurinë dhe paqen, ishte një vit kur skena e sigurisë u trondit për shkak të invazionit rus në Ukrainë dhe kjo bëri që siguria dhe paqja si domein të vendosen në qendër dhe të jenë prioritet i prioriteteve për të gjithë botën”, u shpreh Ministri i Mbrojtjes.
Peleshi e nisi bisedën me misionin e Shqipërisë pranë KFOR në Kosovë, duke folur edhe për situatën atje.
“Së fundmi tensioni është rritur. Ju jeni pjesë e KFOR, e strukturës së NATO-s që garanton sigurinë. Të gjitha fenomenet që kërkojnë të krijojnë destabilitet në rajon janë derivat i asaj çka ndodhi në shkurtin e këtij viti në Ukrainë dhe vazhdon të jetë sot një nga shqetësimet kryesore të botës. Kjo ngjarje na vuri përpara detyra, të cilat nuk i kishim menduar në një kohë kaq të afërt, lidhur me modernizimin, lidhur me investimet në arsimim, në shtimin e prezencës sonë në misione ndërkombëtare, pra në ndërtimin e Force të Armatosur më të fortë, më të aftë dhe më shpresëdhënëse për të gjithë bashkatdhetarët tanë në Shqipëri, por edhe në rajon, për të garantuar paqen dhe sigurinë në Ballkan dhe në të gjithë hapësirën e Aleancës së NATO-s”, theksoi ministri Peleshi.
Ministri i Mbrojtjes foli për një dimension të ri që ka marrë bashkëpunimi me NATO, ku përmendi aleancën strategjike me SHBA, por edhe bashkëpunimin me BE, duke vlerësuar maksimalisht kontributin e përfaqësuesve tanë në këto misione të rëndësishme.
“Ju bëni krenar sot të gjithë popullin shqiptar. Ju jeni një vlerë e shtuar edhe në NATO. Ndonëse jemi një popull i vogël, një aleat i vogël, ne duam të tregojmë se nuk jemi vetëm konsumatorë, por edhe duam të kontribuojmë. Ne jemi me forca më të shtuara në misionet e NATO-s. Kemi një reputacion shumë të mirë. Ju na keni hapur syrin dhe na keni dhënë gjithë të drejtën të kemi një pozicion shumë të merituar në NATO”, u tha ministri Peleshi përfaqësuesve të Shqipërisë në misionet ndërkombëtare.
Gjatë bisedës z.Peleshi foli edhe për objektivat që Ministria e Mbrojtjes ka për vitin 2023.
“Ky është viti kur ne bëmë një ndryshim sasior dhe cilësor në shpërblimin e FA. Kemi rritur 30% pagat për të gjithë efektivët, nga ushtari bazë dhe deri te gradat më të larta. Angazhimi dhe premtimi i Kryeministrit për të patur një rritje të vazhdueshme dhe të përvitshme deri sa të arrijmë nivelin më të lartë në rajon do të realizohet. Vitin që vjen do e rrisim edhe 7 % të tjera pagën mbi atë 30% që u rrit gjatë vitit 2022”, u shpreh ministri Peleshi.
Sipas tij, në 2023 fillon puna për ndërtimin e korpusit të Akademisë së FA, Ndërsa flota e Forcës Ajrore do të shtohet edhe me helikopterë të tjerë “Black Haëk”, duke e çuar në 6 numrin e helikopterëve.
Ministri i Mbrojtjes u shpreh se është bërë mjaft progress në punën për ndërtimin e bazës së parë taktike ajrore të NATO-s në Kuçovë dhe pritet që për rreth një vit ajo të jetë gati. Një tjetër projekt i Ministrisë së Mbrojtjes për vitin që vjen është edhe ndërtimi I një porti të ri ushtarak nëPorto Romano pranë portit komercial, i cili sipas ministrit Peleshi do t’i japë Shqipërisë një rëndësi të shtuar strategjike, pasi ky port do të jentë porta e hyrjes dhe e dislokimit të forcave aleate nga Ballkani Perëndimor drejt Lindjes.
Duke uruar përfaqësuesit që do ta kalojnë Vitin e Ri në misione jashtë vendit, ministri Peleshi tha se viti që vjen do të jetë më i mirë edhe për sigurinë, pasi të gjithë aleatët janë bashkuar në krahun e paqes.
Edhe Shefi i Përgjithshëm i Shtabit të Armatosura Gjeneral Brigade Arben Kingji vlerësoi misionin e përfaqësuesve tanë, duke theksuar se “viti 2023, për të gjithë ne, vjen me detyrime të reja edhe më të shumta, por unë ju siguroj se edhe vëmëndja dhe mbështetja e te gjithë autoriteteve të vendit, do të jetë shumë më e shtuar dhe e ndjeshme gjatë vitit 2023. Forcat e Armatosura do të jenë edhe më mirë, por njëkohësisht do të bëjnë edhe më të mirën gjatë vitit që vjen”.
Lajme të tjera
-
Rutte: Kushdo që fiton, do mbajë angazhimet e NATO-s! S'besoj se SHBA do përsërisë gabimin e Luftës së Parë Botërore, Putin përbën kërcënim!
4 Nëntor, 16:53 -
Do krijohet Forca Rezerviste! Zbulohet vendimi i Qeverisë: Shërbim ushtarak deri në 45 ditë në vit! Pranohen dhe ato me dy shtetësi
30 Tetor, 19:43 -
Shefi i NATO-s konfirmon prezencën e trupave koreano-veriore në Rusi: Përshkallëzim i madh për luftën në Ukrainë
28 Tetor, 14:04 -
Mblidhet grupi PS, datat kur Rama takon shqiptarët në Selanik e Londër! Porositë për deputetët, më 4 Nëntor diskutimi për buxhetin 2025
28 Tetor, 11:09 -
‘Shpresoj që Perëndimi të ketë dëgjuar paralajmërimin”/ Putin: Nëse Kievi përdor raketa me rreze të gjatë, ne do të përgjigjemi
27 Tetor, 13:31 -
Walesa: Rusia do ta sulmonte Poloninë, e jo Ukrainën, po të mos ishte në NATO
26 Tetor, 19:15 -
NATO: Situata e sigurisë në Kosovë është ende e paqëndrueshme
25 Tetor, 19:32 -
Lufta në Ukrainë/Zelensky: Bisedimet e paqes me Moskën do të varen nga zgjedhjet në SHBA
22 Tetor, 16:40 -
Gjermania përuron selinë detare të NATO-s në Detin Baltik
22 Tetor, 15:59 -
Ministrat e mbrojtjes të G7 mbështesin përpjekjet e Ukrainës për anëtarësim në NATO
19 Tetor, 21:18 -
Mamografi për gratë e FA-së, Koçiu: Njësitë e lëvizshme kontrolle falas gjatë gjithë vitit
19 Tetor, 11:43 -
Rutte: Do të punojmë që KFOR të ketë forcat e nevojshme për të mbajtur mjedis të sigurt në Kosovë
18 Tetor, 17:39
