POP 5

Lajmet më të lexuara të 5 minutave të fundit

Kosova & Rajoni

Ministri jashtëm grek në Kosovë/ Njohja varet nga vendosja e marrëdhënieve diplomatike mes dy vendeve

Ministri i Punëve të Jashtme të Greqisë, Nikos Dendias, ka vizituar sot Kosovën. Në takimin e mbajtur me kryeministrin Hoti, ka treguar se Greqia do ta ndihmojë Kosovën në rrugëtimin e saj euro-atlantik, por nuk ka dhënë një përgjigje specifike për njohjen e Kosovës.

 

Ministri i Punëve të Jashtme të Greqisë, Nikos Dendias, ka vizituar sot Kosovën. Dendias është pritur në aeroport nga krye diplomatja kosovare, Meliza Haradinaj-Stublla, ndërkohë në Prishtinë është takuar edhe me kryeministrin Hoti.

Dendias i pyetur nga gazetarët nëse Greqia do të njihte Kosovën, nuk dha ndonjë përgjigje specifike, por tha se puna e njohjes nuk është punë shprese, por e vendosjes së raporteve diplomatike të dy vendeve.

“Nuk është çështje shprese, por çështje e vendosjes së marrëdhënieve diplomatike mes dy vendeve”, raportojnë mediat vendase.  Nikos Dendias thekson se Greqia është e interesuar për paqe dhe stabilitet në rajonin e Ballkanit.

Kryministri Kosovar pas takimit me Dendias,  tha se në takim janë diskutura tema të ndryshme dhe mënyra për rritjen e Bashkëpunimit mes palëve, e cila duhet të përfundojë me njohje reciproke.

“Roli mbështetës i Greqisë për Kosovën është tepër i rëndësishëm, ngaqë është vend anëtar i BE-së dhe NATO-s, organizata këto që Kosova aspiron të jetë pjesë e tyre”, tha kryeministri Hoti.

Ministri Dendias, duke e falënderuar kryeministrin Hoti për pritjen, theksoi se Greqia mbetet e përkushtuar që ta ndihmojë Kosovën në rrugëtimin e saj euro-atlantik, si dhe në begatimin e mëtejmë të bashkëpunimit ekonomik ndërmjet dy vendeve.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

'Ata ishin 2 autorë!' Policia do të rimarrë në pyetje babain e shokut të Martinit: I dyti ka pasur thikë më të vogël

24 Nëntor, 12:44