POP 5

Lajmet më të lexuara të 5 minutave të fundit

Kronikë

Ministri Koka: Edukimi mjedisor,
në kurrikulën e arsimit fillo

“Përfshirja e edukimit mjedisor në kurrikulën e arsimit fillor ndihmon të krijojmë një raport të ri me mjedisin dhe natyrën". Kjo është ajo çfarë ka thënë sot Ministri i Mjedisit, Lefter Koka në aktivitetin “Edukimi për Zhvillimin e Qëndrueshëm”.
Ministri Koka: Edukimi mjedisor,<br />në kurrikulën e arsimit fillo
TIRANË- “Janë bërë shumë gabime ndaj mjedisit. Ne nuk mund të zhbëjmë të kaluarën por jemi në kohë të mbrojmë të ardhmen. Edukimi mjedisor ndihmon për të ardhmen. Përfshirja e edukimit mjedisor në kurrikulën e arsimit fillor ndihmon të krijojmë një raport të ri me mjedisin dhe natyrën. Pa edukimin mjedisor të brezave të rinj, çdo iniciativë e marrë nga qeveria nuk do arrinte suksesin e kërkuar”.
 
Kjo është ajo çfarë ka thënë sot Ministri i Mjedisit, Lefter Koka në aktivitetin “Edukimi për Zhvillimin e Qëndrueshëm”.
 
Ky aktivitet konsistonte “në diskutimin e sfidave dhe mundësitë për fuqizimin dhe koordinimin në sektorin e Edukimit Mjedisor në sistemin arsimor dhe veprimtaritë mjedisore në Shqipëri”. “Ne si qeveri kemi ndërmarrë dhe do ndërmarrim shumë aksione të mëdha për pastrimin e vendit nga mbetjet por kjo mbetet një zgjidhje afatshkurtër, pasi zgjidhjen afatgjatë e jep vetëm edukimi i brezit të ri. Edukimi i brezit të ri është investimi më i madh që mund të bëjë një qeveri dhe një komb”, ritheksoi Ministri i Mjedisit.
 
Sipas tij, “Po mbjellim me qindra mijëra fidanë të rinj, megjithatë duhet të investojmë edhe në qindra mijëra nxënës dhe të rinj”.
 
Gjatë aktivitetit u arritën konkluzione “mbi rëndësinë e integrimit të edukimit mjedisor në kurrikulat arsimore”.
 
Ministria e Mjedisit brenda pak muajve ka qenë iniciatore e dy aksioneve kombëtare (22 Nëntori dhe Emergjenca Mjedisore).
 
Të pranishëm në aktivitetin e sotëm ishin: Ministri i Mjedisit Lefter Koka, Ministrja e Arsimit dhe Sporteve Lindita Nikolla, Ambasadori i BE-së, Ettore Sequi, Ambasadori amerikan, Henry Jardine dhe përfaqësues nga trupa diplomatikë në vend.
 
Redaksia Online
(b.g/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57