Ministria anulloi tenderin 9 mln lekë
për pjesë këmbimi të helikopterëve

Mbi 9 milion lekë të vjetra kishte akorduar ministria e Mbrojtjes për blerjen e paisjeve të ndryshme motorike, të cilat do shërbenin si pjesë këmbimi për motorat e helikopterëve të regjimentit të Farkës. Tenderi nga ministria e Mbrojtjes është hapur në 2 shtator të 2015 dhe është mbyllur në 14 shtator të 2015, duke mos shpallur asnjë kompani fituese që do vinte në shërbim të helikopterave paisje servisi si filtra dhe vajra, për remontin e plotë të tyre.

Çuditërisht ky tender me vlerë totale prej 913,316 lekë të reja është anolluar që prej vitit të kaluar dhe nuk është rihapur sërisht. Ministria nëpërmjet këtij tenderi synonte të blinte filtra karburanti, filtra uji dhe pjesë të ndryshme motorike, për helikopterët e rregjimentit të Farkës, paisje këto që momentalisht nuk dihet nëse janë blerë ose jo nga ana e ministrisë së Mbrojtjes.

Helikopterët e rregjimentit të Farkës janë përdorur nga Ushtria për shumë operacione kërkim shpëtimi dhe operacionin në ndërhyrjen e Forcave të Policisë në Lazarat.Përdorimi i tyre, sigurisëht që ka dhe një kosto të lartë financiare për mirëmbajtjen e tyre, duke filluar nga pjesët e këmbimit deri tek shërbimet e tjera.

TAG:
• lazarat