Situata e zjarreve në vend vazhdon të mbetet problematike. Sipas Ministrisë së Mbrojtjes në Tepelenë zjarri ka dalë jashtë kontrollit, për shkak të erës.
Forcat zjarrfikëse, mbështetur nga ato të Forcave të Armatosura, Policia e Shtetit, Shërbimi Pyjor, Zonat e Mbrojtura apo edhe forca vullnetare, nën kooordinimin e Agjencisë së Mbrojtjes Civile kanë punuar intensivisht në disa fronte për të shuar zjarret e rëna në disa zona të vendit.
Puna ka vijuar përgjatë gjithë natës pa ndërprerje në vatrën problematike në fshatin Mal Shëngjin, ku sot situata paraqitet më e stabilizuar. Veç ndërhyrjes së helikopterit Cougar nga ajri në mbështetje erdhën edhe dy avionët Canadair nga Italia, pjesë e ndihmës nga Mekanizmi Evropian i Mbrojtjes Civile.
Aktualisht është arritur izolimi i plotë i vatrave dhe po vijon operacioni për shuarjen përfundimtare të tij nga shërbimet zjarrfikëse, efektivët e FA, policisë, strukturat vendore të mbështetura edhe nga 2 avionët Canadair të italisë.
Fatmirësisht nuk pati lëndime në njerëz, por vetëm minimale në biznese përreth zonës së zjarrit, në 2 bare plazhi dhe çatia e një shtëpie.
Po ashtu vijon punë për shuarjen e zjarrit në fshatin Zavalinë, bashkia Elbasan për të cilin janë angazhuar ditën e sotme strukturat e pushtetit vendor të mbështetura nga FA
Aktive janë zjarri në Kodrat e liqenit të Viroit, bashkia Gjirokastër, zjarri mbi qytetin e Tepelenës, i cili ditën e sotme si pasojë e erës së fortë ka dalë jashtë kontrollit. Janë angazhuar ditën e sotme për normalizimin e situatës strukturat vendore të mbështëtura nga Forcat e Armatosura dhe një helikopter i FA.
Po punohet në fshatin Lozhan-Bode, bashkia Maliq, në fshatin Picar, bashkia Vorë në një objekt tregtar, në fshatin Ujanik, bashkia Skrapar. Ndërsa situata në qarqet e tjera paraqitet relativisht e qetë.
Efektivët zjarrfikës janë angazhuar për shuarjen e zjarrit në fshatin Luzat, në Tepelenë, ndërsa një shtëpi e cila rrezikohej që të përfshihej nga flakët është shpëtuar.
Për të ndjekur nga afër situatën ka qenë edhe ministri i Mbrojtjes Pirro Vengu, i cili tha se është kërkuar edhe bashkëpunimi i banorëve të zonës, në rast se do të kishte evakuime pjesore.
“Në një moment patëm vështirësi në përballimin e flakëve që po afroheshin në mënyrë të beftë, por kemi arritur të minimizojmë dëmet. Kemi ndërhyrë edhe me helikopter, duke arritur të kemi një mbulim sa më të mirë të situatës. Në Luzat është bërë një punë mjaft e mirë, janë shpëtuar shtëpitë, të cilat rrezikonin. Edhe banorët në këtë fshat kanë bërë një punë shumë të mirë për mirëmbajtjen e tokave të tyre, duke lehtësuar edhe punën dhe përpjekjen e FA për të ndërhyrë apo për të patur akses. Kemi kërkuar edhe bashkpunimin e banorve të zonës.”, theksoi ministri Vengu.
Një nga banorët e fshatit falenderoi efektivët që morën pjesë në aksion.
“Forcat ishin të shumta dhe i mposhtën flakët. Më shpëtuan shtëpinë dhe baçen që kam bërë. Unë masat i kisha marrë, kam bërë brezin e butë rreth e rrotull parcelës që e kam mbjellë me të gjitha llojet e pemëve, por isha edhe i trembur”, u shpreh banori.
Ndërkaq, forcat operacionale ndodhen ende në terren duke vijuar punën për shuarjen e plotë të të gjitha vatrave në këtë zonë.
Zjarri në Tepelenë, vijon edhe gjatë pasdites së sotme, ku flakët janë përhapur shumë pranë rrugës në fshatin, Luzat pa shkuar tek ‘Uji i Ftohtë’ në Tepelenë.
Rreth 120 efektivë të Forcave të Armatosura, forca zjarrfikëse të bashkisë së Tepelenës me mjetet e nevojshme, ndihmuar edhe nga helikopteri Cougar dhe një helikopter i ushtrisë sonë janë angazhuar në aksionin për shuarjen e zjarrit në fshatin Luzat, bashkia Tepelenë, ku era e fortë përhapi në kohë të shpejtë flakët në një sipërfaqe me bimësi. Ndërhyrja e menjëhershme e forcave bëri të mundur të shmanget rreziku për një nga banesat.
Situatën e ndoqi nga afër vetë Ministri i Mbrojtjes z.Pirro Vengu, shoqëruar edhe nga Prefekti i Qarkut Gjirokastër Odise Kote dhe Komandanti i Forcës Tokësore Gjeneralmajor Ilir Xhebexhia.
Lajme të tjera
-
Report Tv sjell PAMJET me DRON, pasojat nga zjarri në Shëngjin! Tokë e shkrumbuar dhe pisha të djegura, dëmet që mbetën pas
31 Korrik, 09:39 -
Vihen në kontroll flakët në Shëngjin, pritet sërish ndërhyrje me helikopter
31 Korrik, 08:54 -
Zjarri djeg sipërfaqe me ullinj në Kaninë, rrezikohen banesat (VIDEO)
30 Korrik, 16:40 -
Korçë/ Zjarr në pyllin e Bodës në Maliq, zjarrfikësit po përpiqen të izolojnë vatrat! Në terren mbërrin edhe prefekti (VIDEO)
30 Korrik, 16:07 -
Situata e zjarreve në vend/ 7 vatra situata më e rrezikshme në Shëngjin! Flakët aktive dhe në Elbasan e Gjirokastër
30 Korrik, 10:49 -
Durrës, ndezi zjarr te ‘Shkëmbi i Kavajës’ dhe rrezikoi disa banesa, në pranga 64-vjeçari
30 Korrik, 10:08 -
Zjarri në Gjirokastër, aktiv gjatë gjithë natës! Zjarrfikësit në 'luftë' me flakët
30 Korrik, 08:45 -
Zjarret në Shëngjin/ Ndërpritet ndërhyrja nga ajri! Përveç dy avionëve Canadair, kërkohen edhe helikopterët e KFOR (VIDEO + FOTO)
30 Korrik, 01:00 -
Vlorë/ Dogjën me zjarr sipërfaqe me bimësi në fshatrat Delisuf dhe Gjorm, nis hetimi për dy persona
29 Korrik, 16:05 -
Elbasan/ Zjarr në malet e Zavalinës, zjarrfikësit po mundohen për shuarjen e flakëve! Terreni malor vështirëson punën e ekipeve
29 Korrik, 15:53 -
Gjirokastër/ Zjarr në pyllin me pisha në lagjen Gërhot, zjarrfikësit në ‘luftë’ me flakët
29 Korrik, 12:52 -
Tiranë/ Ndezi zjarr për të djegur mbeturinat, rrezikoi djegien e 5 banesave
29 Korrik, 11:14
