TIRANE- Ministria e Arsimit do të shtyj datën e testimit për të gjithë mësuesit. Kur ishte përcaktuar se në muaji maj do të zhvillohej provimi, MAS ka vendosur të ndryshojë datën duke qënë se në qershor mbyllet viti shkollor 2014-2015. Burime të gazetës pranë Ministrisë së Arsimit thonë se testimi pritet të zhvillohet në muajin qershor, mënjehërë pas mbylljes së vitit shkollor.

Ndryshimi është bërë për tu dhënë më shumë kohë mësuesve për tu përgatitur. Gjatë muajit maj MAS do të publikojë edhe programet orientuese, aty ku do të bazohen mësuesit për të dhënë provimin.  Sipas drejtuesve të MAS, në testim do të kalojnë të gjithë arsimtarët, duke filluar nga ata që janë punësuar vitet e fundit dhe ata që kanë 30 vite eksperjencë apo më shumë.