Ministria e Energjitikës heq dorë
nga Skavica, projekti i ri me 2 diga

TIRANE- Ministria heq dorë nga Skavica. Projekti i ri me dy digaKostot e pabërballueshme dhe impakti social dhe ekonomik kanë bërë që Ministria e Energjitikës të heqë dorë nga projketi aktual për ndërtimin e Hidrocentralit të Skavicës. Në tryezën e Ministrisë tashmë gjenden dy projekte të tjerë, që parashikojnë ndërtimin e dy digave në Skavicë dhe Katund të ri.

Në një takim me donatorët, Ministri Damian Gjiknuri tha se kostot e projektit të hartuar në vitin 2009 mund të shkojnë në miliarda dollarë. Ky projekt parashikon përmbytjen e një sipërfaqeje prej rreth 6 mijë hektarë dhe zhvendosjen e rreth 10 mijë banorëve të zonës.

"Mbase skema me një digë në nivelin 405 apo më vonë 441 është një skemë që mund të krijojë më shumë kapacitet gjenerues si dhe aspektet rregulluese por kostot sociale dhe mjedisore, unë po e them në pikpmajen time janë të papërballueshme dhe ajo mbetet një ëndërr e bukur shumë e mirë si ato projektet që kanë qindra vjet nëpër botë por që asnjëherë nuk realizohen."-tha Gjiknuri



Prezantimi Skematik Final i Skavices A3 30Jan2016
Interesi i Ministrisë tashmë është zhvendosur drejt dy varianteve të tjerë,Njëri parashikon dy diga, një në Katund të Ri dhe Skavicë me lartësi 395 m, ndërsa tjetri po me dy diga, Katund i Ri dhe Skavica 385 m. 

"Me këtë model me dy diga të paktën të japim me partneritet publik - privat një variant i cili nuk ka impakt në kaskadë pra që quhet pjesa e Katundit të ri dhe që nuk impakton operacionet normale të KESH-it mund ta bëjnë të mundur financimin e kësaj vepre me anë të KESH-it në ndonjë formë që do të jetë e pranueshme nga ana ekonomike."-tha Gjiknuri

Sa për skemën e financimit të prjektit në Drin, Gjiknuri tha se mund të vendoset ndërtimi me koncesion i Hidrocentralit të Katundit të ri, ndërkohë që Skavica do të ndërtohet përmes donacioneve dhe do të mbtetet pronë e KESH-it.

Skavica 395 - Katund ri 445




Efekti permbytje nga variantet Skavica 385, 395 dhe 441

Studio franceze i konsideron dy variantet e fundit të financueshme dhe me efekte të menaxhueshme mjedisore e sociale. Rrjedhimisht, qeveria shqiptare ka preferuar të ndjekë rrugën e zbatimit të një prej skemave që nga studimi konsiderohet e financueshme.


3d - Skavica 441m


3d - Skavica 395

Redaksia online
(S.m/shqiptarja.com)