Ministria e Mbrojtjes: U shuan 2 vatra aktive, Forcat e Armatosura pastruan lëndët kimike depot e ish-Trikotazhit në Korçë

Ministria e Mbrojtjes ka reaguar për rastin e djegies së lëndëve kimike në ish repartin e trikotazhit në Korçë, ku tha se u evidentuar dy vatra dhe u bë shuaja e tyre dhe pastrimi i lëndëve kimike,

"Pas zjarrit të rënë pasditen e së shtunës në ish-depot e Trikotazhit në Korçë, u kërkua ndërhyrja e Forcave të Armatosura për shkak të djegies së lëndëve kimike dhe ndotjen e zonës përreth. Një grup nga kompania e Mbrojtjes nga Armët e Dëmtimit në Masë të Forcës Tokësore shkoi në vendngjarje ku bëri matjet me aparatura të posaçme të zbulimit kimik, duke evidentuar 2 vatra të ndryshme brenda godinës, të cilat kishin shkaktuar reaksionin kimik. Pasi analizuan të gjithë faktorët, specialistët e kompanisë së Mbrojtjes nga Armët e Dëmtimit në Masë i neutralizuan të dyja vatrat që shkaktonin ndotjen. Pasi neutralizimit të vatrave, specialistët monitoruan vatrat për rreth 2 orë në pritje se mos riaktivizoheshin sërish, gjë e cila nuk ndodhi", shkruan Ministria e Mbrojtjes.

LEXO EDHE:
'Kambana' gjermane, Skënderbeu 'mbush arkat' nga portieri Marco Alia

Lajmi kryesor:

Djegia e lëndëve toksike në ish-godinën e trikotazhit në Korçë, ekspertë nga Tirana eliminojnë 2 vatra të rrezikshme: Nuk rrezikohet shëndeti i banorëve (VIDEO)

/b.ha./Shqiptarja.com

TAG:
• Korce
• zjarr
• lende toksike