POP 5

Lajmet më të lexuara të 5 minutave të fundit

Shëndeti

Ministria: Shëndetësia e Ramës
si ajo e komunizmit

Pas akuzave të liderit socialist ka mbërritur reagimi i Minisrisë e cila akuzon Ramën se sistemi shëndetësoj i tij është i njëjtë me atë të komunizmit. Ajo theksoi se reforma në këtë fushë bazohet në parimet e OBSH-së. Rama përgjigjet ironik në Twitter: “Komunist si në Angli e Itali”.
Ministria: Shëndetësia e Ramës <br />si ajo e komunizmit
TIRANE – Sistemi shëndetësor që ka ndërmend të sjelli Edi Rama është ai i kohës së komunizmit, “kur kush paguante dhe kush nuk paguante ishte njësoj”. Kjo është në thelb kundërreplika e Ministrisë së Shëndetësisë pas akuzave të lëshuara sot ndaj këtij dikasteri nga kryetari i socialistëve.

Ministria e Shëndetësisë, në deklaratë publike, ka nënvizuar se reforma në këtë fushë është bazuar në parimet e Organizatës Botërore të Shëndetësisë (OBSH), por Rama “nuk e di çdo të thotë OBSH”.

“Kur flet për shëndetësinë [lideri socialist] ka ndërmend organizatën e madhe politike që krijoi në Bashkinë e Tiranës”, vijoi më tej zëdhënësja e Ministrisë e cila i kujtoi kryesocialistit Rama se “vite më parë edhe kolegë socialistë të ulur pranë tij kanë kontribuuar në këtë reformë”.

Sipas Ministrisë, siguria e barnave në vend është e plotë dhe respekton garancitë ndërkombëtare. “Për herë të parë çmimet [e ilaçeve] janë më të ulëta”, tha zëdhënësja.

Gjithësesi, Ministria e Shëndetësisë është e ndërgjegjëshme që “rruga është e gjatë”, “një sfidë e përditëshme”, ndaj dhe është shprehur e hapur ndaj çdo opinioni.

REPLIKA E RAMËS: KOMUNIST SI NE ANGLI

Nuk ka vonuar shumë dhe Ministrisë së Shëndetësisë Rama i është përgjigjur në Twitter përmes një mesazhi ironik. “Shërbimi Shëndetësor Universal qënka komunist, njësoj si në Angli, Itali, Spanjë, Kanada etj. Kurse shëndetësia sot qenka si kurrë më mirë!”, ka shkruar Rama.

“Ja pse u themi shqiptarëve: Ose një Rilindje Shqiptare ose Rrënim i Mëtejshëm ku të dëgjojmë me vite të tjera karagjozllëqe pafund si këto”, tha Rama në një mesazh të dytë.

(im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Rritja e pensioneve, Rama nga Bulqiza: Do rritet fuqia blerëse e më shumë se 700 mijë pensionistëve! Reformën e bëmë ne dhe tregon qartë kush di të qeverisë

Rritja e pensioneve, Rama nga Bulqiza: Do rritet fuqia blerëse e më shumë se 700 mijë pensionistëve! Reformën e bëmë ne dhe tregon qartë kush di të qeverisë

26 Nëntor, 11:21