Ministrja e Bujqësisë takon në Turqi homologun e Malit të Zi: Të forcojmë bashkëpunimin ekonomik

Ministrja Frida Krifca në Turqi

Ministrja Frida Krifca në Turqi

Ministrja e Bujqësisë dhe Zhvillimit Rural, Frida Krifca gjatë vizitës së saj në Turqi u takua me homologun Aleksandar Stijović.

Në një reagim në lidhje me takimin e zhvilluar, Krifca theksoi se Mali i Zi është një nga fqinjët me të cilët Shqipëria ka ende shumë potencial për të rritur bashkëpunimin ekonomik.

Homologët u ndalën tek politika e përbashkët për mbrojtjen e bimëve, për të cilat Krifca ka kërkuar nënshkrimin sa më parë të marrëveshjes së përbashkët, por edhe lehtësimin praktik të kontrolleve fitosanitare.

Gjithashtu, gjatë takimit mes ministrave një nga pikat e diskutimit mes palëve ishte edhe ndërmarrja e angazhimit të përbashkët në rritjen e numrit të bizneseve ndërkufitare në fushën e turizmit rural.

Më tej, Krifca dhe Stijović diskutuan lidhur me vijimësinë e rritjes së bashkëpunimit për menaxhimin e përbashkët të rezervave peshkore dhe nxitjen e eksporteve të prodhimeve shqiptare të peshkimit.

Në përfundim të takimit, ministrat u shprehën optimistë në forcimin e bashkëpunimit dypalësh tek zhvillimi rural mes Shqipërisë dhe Malit të Zi, por gjithashtu edhe në aspektin rajonal dhe atë evropian.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Përfshihet nga flakët një magazinë në Maliq