Ministrja e Jashtme e Kosovës, Donika Gërvalla, tha të shtunën se pa Shtetet e Bashkuara dhe NATO-n, Bashkimi Evropian një ‘tigër prej letre’ në aspektin e sigurisë, duke nxitur reagimet e të dërguarve amerikanë dhe evropianë si dhe të opozitës në shtëpi.
Gjatë një fjalimi në kuadër të Forumit të Dubrovnikut, ministrja Gërvalla tha se çështja thelbësore për sigurinë në Ballkanin Perëndimor është nëse BE-ja mund të garantojë siguri dhe paqe në Evropë.
“Vlerësimi im është që BE-ja nuk mundet. Sepse nuk është në gjendje dhe e aftë për të ofruar siguri. Arsyet janë të dukshme: nuk ka vullnet politik, ka shumë mospajtim në bllok dhe pa Shtetet e Bashkuara dhe NATO-n, BE-ja është një ‘tigër prej letre’ në aspektin e sigurisë”, tha zonja Gërvalla. Përgjatë fjalimit të saj ajo shtoi se Evropa nuk ka asnjë histori suksesi në përpjekjet për të parandaluar luftërat
“Ne kemi nevojë për një strategji të re dhe njerëz të rinj që përpiqen të gjejnë një mënyrë më të mirë. Ndryshe nga të tjerët, ne nuk po përpiqemi ta përdorim BE-në si arkë. Jemi më shumë për vlera evropiane sesa për paratë evropiane”, tha ministrja Gërvalla.
Escobar: Gjithçka pozitive që ka ndodhur në Ballkan, është kombinim i bashkëpunimit BE-SHBA
I dërguari amerikan, Gabriel Escobar tha se ndryshe nga ministrja Gërvalla, mendon se “gjithçka pozitive që ka ndodhur në Ballkan, ka qenë kombinim i bashkëpunimit të Bashkimit Evropian dhe Shteteve të Bashkuara”.
Zoti Escobar tha se rajoni i Ballkanit Perëndimor është ndarë në dy shtigje; njëri me shtetet në NATO që janë shumë më të qëndrueshme, kontribuuese në qëndrueshmërinë rajonale dhe të vendosura në rrugën drejt integrimit evropiane dhe tjetri i atyre që po konsumojnë vëmendjen dhe burimet e të tjerëve në rajon teksa ngecin me sfidat e tyre”.
Sipas tij dallimet thelbësore janë se shtetet të cilat janë pjesë e NATO-s dhe që kanë përjetuar zhvillimet më të mëdha, janë ato që kanë tejkaluar sfidat e rivaliteteve etnike. Ato që vazhdojnë të kenë udhëheqje që besojnë se popullizmi, nacionalizmi e rivalitetet etnike janë rrugët përpara, janë ata që po përballen më shumë sfida”.
Lajçak: BE-ja nuk është e përkryer – por është ëndërr e shtetev që trokasin në dyert e saj
I dërguari evropian Miroslav Lajçak tha se Bashkimi Evropian është larg të qenit i përkryer por “është më i miri që kemi. Është bashkimi më i suksesshëm i shteteve. Nuk ka një bashkim tjetër në këtë planet, që ka ofruar qëndrueshmëri politike e ekonomike më të mirë. Mendoj se anëtarësimi në BE është një ëndërr e shteteve që janë duke trokitur në derën e bllokut”, tha ai.
Qeveria e Kosovës është kritikuar nga diplomacia perëndimore dhe është vënë në masa ndëshkuese nga Bashkimi Evropian për shkak të tensioneve në veriun e saj ku grupe protestuesish serbë dolën në rrugë duke kundërshtuar vendosjen në zyra komunale të kryetarëve shqiptarë të dalë nga zgjedhjet e 23 prillit, të bojkotuara nga partitë serbe.
Perëndimi kërkon uljen e tensioneve përmes një plani evropian që parasheh pezullimin e operacioneve policore në veri, zhvendosjen e kryetarëve të komunave në zyra alternative dhe shpalljen e zgjedhjeve të parakohshme me pjesëmarrje të pakusht të serbëve të Kosovës.
Kryeministri i Kosovës, Albin Kurti është shprehur në favor të mbajtjes së zgjedhjeve të reja dhe uljes së pranisë së njësive të posaçme të policisë në veri, krahas vendosjes së sundimit të ligjit.
Ndërsa presidenti serb Aleksandar Vuçiç tha se çështja e papërmbushur është “tërheqja e njëkohshme e kryetarëve të komunave dhe njerëzve që ndodhen përreth ndërtesave të komunave”, duke ju referuar protestuesve serbë.Reagime në Kosovë pas fjalimit të ministres Gërvalla
Përfaqësues të opozitës në Kosovë kritikuan fjalimin e ministres Gërvalla duke e cilësuar “të papërgjegjshme” deklaratën e saj për BE-në.
“Sa për referencë, ‘tigër prej letre’ i ka quajtur Mao Zedong SHBA-të”, shkroi në rrjetet sociale nënkryetarja e Partisë Demokratike të Kosovës, Vlora Çitaku.
“Të mjerë dhe të rrezikshme” e ka cilësuar gjendjen diplomatike të Kosovës, zëdhënësja e Lidhjes Demokratike, Sibel Halimi.
Sekretari i Përgjithshëm i Aleancës për Ardhmërinë e Kosovës, Muharrem Nitaj, shkroi mes tjerash se “më e pakta që do të duhej, është një deklaratë e Presidentes dhe Kryeministrit ku do sqaronin se ajo që ka thënë Ministrja e Jashtme, nuk është qëndrim zyrtar i Republikës së Kosovës”.
Opozita e kritikuar ashpër qeverinë e Kosovës për dëmtim të marrëdhënieve me aleatët, duke paralajmëruar veprime për të kundërshtuar qasjen e qeverisë ndaj krizës në veri të vendit./VOA
Komente
Lajme të tjera
-
Shqipëria pjesë e SEPA, lajmi fantastik jepet në eventin e Bankës Botërore! Por kush ishte prezent në këtë event?
22 Nëntor, 20:12 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Fatos Çoçoli: Sa fitojmë nga SEPA si qytetarë?
22 Nëntor, 15:19
-
Shorti i Ligës së Kombeve, Kosova kërkon Ligën B kundër Islandës! Në çerekfinale Itali - Gjermani dhe Holandë - Spanjë
22 Nëntor, 12:21 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Bregu: SEPA në Ballkan, një hap i madh drejt BE
22 Nëntor, 09:25 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Von der Leyen i shpëton jetën pasagjerit në avion
21 Nëntor, 16:31 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35
vetem mos e ktheje policine e Kosoves ne guerrilas te Kurtistanit qe po mbajne peng edhe anetaresimin e Suedise ne Nato njelloj si integrimin e Kosoves ne BE me fantazite e Titos. Nuk ka as edhe nje mundesi qe dy etni armike deri ne palce te besojne ne nje kushtetute te njeanshme te njeres etni do ishte spastrim etnik prandaj duhet nje dejton i ri i perforcuar me shume se kurre per fatin e Kosoves dhe e vetmja menyre eshte zgjerimi i asociacionit te komunave serb ne kufijte e rrafshit ose Metohise me te njejtin statut autonom sic kerkojne edhe serbet, balancues pushteti
PërgjigjuSi mund te flasi nje ministre e jashteme nje nje gjuhe kaq idjote, vetem nje ordinere rrugesh flet keshtu. Po te kete qeveri Kosova kjo duhet shkarkuar urgjentish por kush ta shkarkoi idjoti Kurti qe po e con vendim ne izolim total.
PërgjigjuO pjeter qenke shpellar komplet RRK.
PërgjigjuPo he mor Denis topja, me ç'fare titulli me gjykon mua ti??!! Ke ndonje opinion tendin mbi temen ne diskutim apo limiti yt eshte ky lloj komenti?!!
Këta janë te paguar nga Putin ose nga serbi se s'ka mundësi tjetër. Po vihen kunder të gjithë ndërkombëtare qe i kane ndihmuar te behen shtet
PërgjigjuJa dhe kjo mostra e idjotit Kurti me cfar gjue flet per ata qe i dhane pavarsine Kosoves. Keta jane mosmirenjohes te ndyre sepse po te largohet KFORI keta per 24 ore Serbia i perpin. Jane te dhier por krenar.
PërgjigjuZ.PJETER NE CFARE THATE NE LIDHJE ME LAJCAK, BORRELL E BAKOJANIS JAM PLOTESISHT DAKORT ME JU ,POR MOS TE HARROJME SE POLITIKA E KURTIT LE SHUME PER TE DESHIRUAR KUR KA DALE EDHE KUNDER SH B A...POLITIKA ESHTE ART ME VETE DHE ALBIN KURTIT I MUNGON ( NDOSHTA JO PER FAJIN E TIJ) POR KUR NJE NJERI E DINE QE NUK E BEN DOT DICKA PSE E MERR PER SIPER!!
Lajçak eshte i derguari per Kosoven e Serbine, dhe ai, pa piken e turpit ben interesat jo te BE-se por politiken e vendit te tij, Sllovakise, qe si per çudi, nuk e njef Kosoven! Po Lajçak nuk eshte zgjedh vete , eshte vene nga dikush, dhe e di ti Drilon psh,kush eshte shefi i Lajçakut?? eshte Borrell, nje tjeter qe nuk ka turp te çoje politinen e jashteme te vendit nga vjen, Spanjen, qe edhe kjo pikerisht, nuk e ka njohur Kosoven, dhe vazhdon ti krijoje probleme asaj!! Nje tjeter gje qe duhet te dish ti Drilon eshte qe personi qe eshte laluar se fundmi, si i ngarkuar per ballkanin perendimor eshte, Bakojanis, ish ministre e jashteme e Greqise, mikeshe e Saliut dhe ish homologut te saj, Lulit, te famshem per firmat e dhurimit te detit Greqise, por eshte dhe e motra e kryeministrit aktual te Greqise, natyrisht, edhe Greqia nuk e ka njohur Kosoven dhe eshte shume problematike per shqiptaret ne BE. Tani qe Gervalla nuk spikat ne ligjerata dipllomatike, kjo nuk eshte me sekret, por qe u tha nje te vertet atyre qe duhet te jene asnjeanes dhe jo pale me Serbine, edhe kjo eshte nje e vertet e madhe zoti Drilon!!!
Hahahaha je i madh koment shume i pershtatshem per Albinen