Ministrja e Turizmit kërkesë Komitetit të Ekspertëve: Merrni në konsideratë heqjen e detyrimit të pasaportës së vaksinimit për t'u futur në Shqipëri

Ministrja e Turizmit, Mirela Kumbaro tha se në mbledhjen e qeverisë sot u diskutua edhe për heqjen e detyrimit të pasaportës së vaksinimit për t'u futur në Shqipër. Ajo kërkoi nga Komiteti Teknik i ekspertëve që të marrë në konsideratë këtë kërkesë dhe ky kusht për t'u futur në vendin tonë të hiqet duke filluar nga maji

"Turizmi ka qenë një sektor mjaft i prekur prej krizave të njëpasnjëshme. Qeveria mori vendimin për të liberalizuar sistemin e vizave turistike për 8 vende. Në mbledhjen e sotme u diskutua dhe një kërkesë e komunitetit të biznesit të turizmit që ka të bëjë me rishikimin e sistemit të detyrimit për të treguar në kufi vërtetimin e vaksinimit, green pass. Ne presim që Komiteti i Ekspertëve të marri në konsideratë të shohë që duke filluar nga maji të hiqet ky detyrim që të çlirojmë hyrjen e vizitorëve të huaj në Shqipëri", tha ajo.

Lajmi kryesor:

Vendimet e Qeverisë, fonde shtesë për ‘Rindërtimin’, rikonstruksion të banesave dhe shkollave! 270 000 fëmijë do të kontrollohen nga sytë, nis depistimi

/r.k./Shqiptarja.com

TAG:
• keshilli i ministrave
• arben ahmetaj
• ogerta manastirliu
• Mirela Kumbaro
• rindertimi