Ministrja e Punëve të Brendshme, Albana Koçiu ka reaguar përmes rrjeteve sociale pasi militantët e Sali Berishës hodhën molotovë, fishekzjarre dhe gurë drejt efektivëve të policisë që kishin krijuar një kordon sigurie përballe Kryeministrisë.

Koçiu shkruan se "dhuna është shfaqje e dëshpërimit nga ata që në vend të alternativës krijojnë skena që rrezikojnë jetën e qytetarëve, policëve e gazetarëve".

"Dënojmë çdo inkurajim aktesh dhune nga drejtues të opozitës. 

U bëjmë thirrje organizatorëve të protestës që t’u bëjnë apel simpatizantëve që të shmangin aktet e dhunës dhe të mbajnë të miturit larg çdo akti që do të rrezikonte jetën e tyre dhe qytetarëve. 

Dhuna nuk është zgjidhje! 

Dhuna është shfaqje e dëshpërimit nga ata që në vend të alternativës krijojnë skena që rrezikojnë jetën e qytetarëve, policëve e gazetarëve.

Ata të rinj e të mitur që përfshihen në akte dhune nuk janë as heronj e as trima, por janë të keqpërdorurit e atyre që në mënyrë patologjike vijojnë të mbështeten te dhuna, pa mundur të ndërtojnë alternativë tjetër veç shkatërrimit",- shkroi ministrja.

Po ashtu, kreu i grupit parlamentar të Partisë Socialiste, Taulant Balla, thotë se Sali Berisha është i mbaruar jo vetëm politikisht, por dhe mendërisht e fizikisht.

“Vetëm një i mbaruar politikisht, mendërisht dhe fizikisht si bufi i shqupit mund të godasë flamurin kombëtar, flamurin e BE, policinë e shtetit dhe institucionet e vendit. Turpi nuk është i këtij matufi, por i atyre pak që kanë mbetur dhe i shkojnë mbrapa”, shkruan Balla.

Lajmi në përditësim...

Rendit zhvillimet sipas orarit:
Ora 20:21
Protesta e Berishës, Balla: Vetëm një i mbaruar politikisht mund të godasë flamurin kombëtar dhe institucionet e vendit

1771498292_WhatsAppImage20260219at10.51.23.jpeg

Taulant Balla

Kreu i grupit të PS, Taulant Balla thotë se Sali Berisha është i mbaruar jo vetëm politikisht, por dhe mendërisht e fizikisht.

Përmes një postimi në rrjetet sociale, Balla tha se në protestën e dhunshme të PD, u cënuan institucionet dhe simbolet e shtetit.

“Vetëm një i mbaruar politikisht, mendërisht dhe fizikisht si bufi i shqupit mund të godasë flamurin kombëtar, flamurin e BE, policinë e shtetit dhe institucionet e vendit. Turpi nuk është i këtij matufi, por i atyre pak që kanë mbetur dhe i shkojnë mbrapa”, shkruan Balla.

R.C/Shqiptarja.com

Ora 20:19
Protesta e dhunshme e PD, ministri Gogu: Qytetarët nuk duan zjarr dhe flakë, por stabilitet

1770111429_gogu.jpg

Ministri Toni Gogu

Ministri i Shtetit për Marrëdhëniet me Parlamentin, Toni Gogu ka reaguar për protestën e dhunshme të PD.

Përmes një postimi në rrjetet sociale, Gogu u shpreh se ata që pretendojnë të jenë zëri i qytetarëve, në fakt nuk përfaqësojnë aspiratat reale të tyre.

Gogu shtoi se qytetarët shqiptarë nuk duan zjarr e flakë, por kërkojnë stabilitet, punë të përditshme dhe zgjidhje konkrete për problemet.

“Këta pretendojnë të jenë zëri i qytetarëve a thua se qytetarët duan zjarr e flakë! Por ndaj dalin në zgjedhje ashtu siç dalin. Qytetarët duan Shqipërinë europiane që vështirësitë dhe problemet që ka i zgjidh me punë të përditshme! Dhe Shqipëria nuk ndalet!”, shkruan Gogu.

R.C/Shqiptarja.com

Ora 19:40
Tensione dhe zjarr para Kryeministrisë, reagon Taulant Balla: Grup kriminal me molotovët e një plaku të rrjedhur

Kreu i grupit parlamentar të Partisë Socialiste Taulant Balla, reagoi pas protestës së opozitës, ku u hodhën molotovë në drejtim të godinës së Kryeministrisë.

Duke postuar video të ‘grupi i zjarrit’ të rekrutuar nga Partia Demokratike që ecin të mbuluar me çadra edhe pse nuk bie shi, Balla ironizoi organizatorët e tubimit dhe aktet e dhunës, duke i cilësuar ata një “grup kriminal”.

“Ja sheshi, ja mejdani ja dhe grupi kriminal që mbulohet me çadra (edhe pse nuk bie shi) gati për molotovët e një plaku të rrjedhur”, shkroi ai.

 

U.D/Shqiptarja.com