Ministrja e Shëndetësisë, Albana Koçiu ka raportuar sot në Komisionin për Shëndetësinë lidhur me situatën e ndodhur në Spitalin Onkologjik në QSUNT, si dhe me gjetjet e Raportit të KLSH-së të vitit 2022 për sëmundjet tumorale.
Ministrja Koçiu që në fillim të fjalës së saj u shpreh se “është pretendim i pavërtetë dhe dashakeqës se aparaturat e pajisura me substancë radioaktive si kobalti janë lënë korridoreve të spitalit, duke dëmtuar shëndetin e qytetarëve dhe mjekëve nga rrezatimet. Aparatura ka qenë gjithmonë brenda kapsulës së saj mbrojtëse, duke bërë të pamundur përhapjen e rrezatimit”.
Ajo theksoi se instancave përkatëse të Institutit të Fizikës Bërthamore janë të ngarkuar me matjen periodike dhe asnjëherë nuk kanë lexuar rrezatime jashtë normave të lejuara.
Koçiu theksoi se “vetëm në tre vitet e fundit, buxheti për sigurimin e barnave për trajtimin e tumoreve është rritur me 4-fish”.
“Buxheti për Qendrën Spitalore Universitare “Nënë Tereza” për vitin 2024 është rritur me 42.3% krahasuar me vitin 2013. Në vitin 2013, QSUT përballej me mungesë barnash dhe materialesh mjekësore bazë, jo më të flitej për mbulimin e sëmundjeve tumorale. Sot, buxheti i alokuar për barna dhe materiale mjekësore për QSUT në vitin 2024 është rritur me 28% krahasuar me vitin 2013”, deklaroi ministrja e Shëndetësisë.
Ajo vuri në dukje se çdo vit është shtuar lista e barnave nëpër spitale dhe ajo e rrjetit të hapur duke mbuluar sëmundje të përhapura si diabeti, sëmundjet onkologjike, ato kardiovaskulare etj.
“Tashmë është e mbuluar dhe linja e parë e terapisë për të gjitha llojet e kancereve dhe shumica e linjave të dyta e treta, si psh. për kancerin e gjirit , ate të ovarit, kolorektal, etj. me preparate bashkëkohore. Kjo e mundësuar dhe me anë të politikave për barna inovatore, të aplikuara me sukses prej disa vitesh. Në vitin 2013 shpenzimet e rimbursimit për barnat tumorale zinin 8.1 % të buxhetit të rimbursimit ndërsa në vitin 2023 kjo përqindje arriti në 20.7%”, vijoi ministrja.
Gjithashtu, tha Koçiu, “shpenzimet për trajtimin e sëmundjeve tumorale në QSUT zinin 20.57% të buxhetit total në vitin 2014, ndërsa në vitin 2023 zinin 36.97%. Në vitet e fundit, Lista e Barnave me Rimbursim është pasuruar me 74 barna të reja, duke përfshirë 13 barna onkologjike. Për diagnozën e kancerit të gjirit, shpenzimet e rimbursimit kanë ardhur në rritje nga viti në vit, nga 4.4% shpenzimeve totale të rimbursimit ne 5.7 %”.
Sa i përket përmirësimit të kujdesit paliativ, Koçiu bëri me dije se janë përfshirë 92 barna me rimbursim.
Ministrja e Shëndetësisë nënvizoi se kimioterapitë, që më përpara kryheshin në kushte primitive vetëm në Onkologjikun e Tiranës, tashmë kryhen në shumë nga spitalet rajonale, duke reduktuar drastikisht kostot për qytetarët.
“Rinovimi i radioterapisë, instalimi i akseleratorëve linearë, blerja e pajisjeve që shpëtojnë jetë, shkurtimi i radhëve , plotësimi i nevojave të stafit, modernizimi i kushteve dhe apartaturave, ka ndikuar në reduktimin e vdekshmërisë nga sëmundjet tumoriale. Akseleratorët e rinj kanë shkurtuar listën e pritjes për marrjen e trajtimit me radioterapi nga 3 muaj në kohën tuaj, në dy-tre javë”, vijoi ajo.
Gjithashtu, Koçiu theksoi se Reparti ditor në Onkologjik dhe investimet në Depon Qendrore të Barnave ka ofruar një standard të ri për qytetarët që kryejnë seancat e kimioterapisë.
Gjatë fjalës së saj, ministrja Koçiu solli në vëmendje edhe një sërë programesh parandaluese për depistimin apo identifikimin e hershëm, të tumoreve të gjirit, qafës së mitrës që kanë rritur numrin e tumoreve të diagnostikuara në stade të hershme e rrjedhimisht, edhe numrin e tumoreve të kuruar plotësisht.
Ndërsa sa i përket rekomandimeve të KLSH-së, ministrja tha se shumë prej këtyre rekomandimeve janë adresuar ndërkohë dhe të tjera janë në proces trajtimi.
Zv.ministri i Shëndetësisë dhe Mbrojtjes Sociale Niko Hyka, ka mohuar që pajisja e kobaltit që përdoret për terapi ndaj të sëmurëve me sëmundje malinje ka krijuar rrezikshmëri për mjekët dhe pacientët.
Gjatë seancës dëgjimore sot në Komisionin për Punën, Çështjet Sociale dhe Shëndetësinë lidhur me situatën në Spitalin Onkologjik në QSUNT, si dhe me gjetjet e Raportit të KLSH-së të vitit 2022 për sëmundjet tumorale me praninë e ministres së Shëndetësisë dhe Mbrojtjes Sociale, Albana Koçiu, ai tha se mjekët përdorin dozimetra dhe janë të mbrojtur.
“Mjekët mbajnë dozimetra dhe nuk kanë kaluar limitet e dozës vjetore ose periodike dy-mujore që ata i masin dhe kjo është e dokumentuar edhe nga Instituti i Fizikës, edhe nga Zyra e Radiombrojtjes. Ata që punojnë aty dhe vetë profesionistët e kuptojnë që një lënde e vendosur në një kapsulë dhe nuk qenë asnjë herë aktive, nuk ka dalë jashtë, sigurisht që nuk ka sesi të rrezatohet. Ajo ekspozon rrezatim vetëm në momentin kur implantohet tek pacienti”, deklaroi zv.ministri i Shëndetësisë.
Edhe drejtoresha e QSUNT-së, Alma Cani, deklaroi se pajisja e kobaltit që përdoret për terapi ndaj të sëmurëve me sëmundje malinje është e sigurt dhe nuk ka krijuar rrezikshmëri për mjekët.
“Ky lloj burimi ka avantazh për trajtimin dhe ka jetëgjatësi 5 vite. Është vendosur në punë edhe ortovoltazhi dhe po bëhet trajtimi i stafit për dhënien e dozave. Brenda muajit do të nisim me funksionimin dhe dhënien e terapive për pacientët. Protokollet e sigurisë ndaj rrezatimit janë ndjekur me përpikmëri duke ndjekur rrezatimet për gjithë personelin edhe përmes dozimetrave personale”, deklaroi drejtoresha e QSUNT-së.
Drejtoresha e Shërbimit Farmaceutik në QSUNT, Mirela Rexhepi ka hedhur poshtë akuzat e deputeteve të opozitës, Zhani Gjergji dhe Albana Vokshi duke deklaruar se “nuk ekziston asnjë lloj mundësie që të fshihet apo ndryshohet data e skadencës për barnat pasi çdo veprim kryhet online”.
Gjatë seancës dëgjimore sot në Komisionin për Punën, Çështjet Sociale dhe Shëndetësinë lidhur me situatën në Spitalin Onkologjik në QSUNT, si dhe me gjetjet e Raportit të KLSH-së të vitit 2022 për sëmundjet tumorale me praninë e ministres së Shëndetësisë dhe Mbrojtjes Sociale, Albana Koçiu, Rexhepi deklaroi se sistemi informatik nuk varet nga QSUNT, por kontrollohet dhe verifikohet nga AKSHI.
“ Në 18/04/23 ka ardhur një sasi donacioni e cila është e ruajtur në spital dhe nuk ekziston asnjë lloj mundësie që të ndërrohet data e skadencës. Donacioni ka ardhur nga Italia në vijim të një marrëveshjeje që shteti ka me Italinë për medikamente. Pasi vijnë në Shqipëri kolaudohen, pajisen me pullë nga Agjencia e Barnave e cila siguron cilësinë e barnave dhe vetëm pasi kolaudohet hyn në farmaci dhe përdoret për pacientët. Në momentin që kalon datën e skadencës është e pamundur që ilaçi të përdoret dhe t’i ndryshohet data”, nënvizoi drejtoresha e Farmacisë së QSUNT-së.
Rexhepi sqaroi se “Farmacia ka detyrimin që komunikimin ta ketë me shefat e shërbimit dhe nuk kemi kontakt me pacientët. Ne njoftojmë dhe jemi në kontakt të vazhdueshëm me shefat e shërbimeve”.
“Ju siguroj se nuk ka ndodhur ndryshimi i datës së skadencës”, ritheksoi Rexhepi duke i cilësuar të pavërteta deklarata e kryetares së Komisionit dhe dhe deputetes Vokshi.
Gjithashtu, Drejtoresha e Shërbimit Farmaceutik në QSUNT, Rexhepi sqaroi se “për Spitalin Onkologjik, dalja e barnave behet përmes një makine frigoriferike dhe i dorëzohet kryeinfermierit. Asnjëherë nuk ndodh që të dorëzohet terapia e kimios tek vetë pacienti. Pasi dorëzohet receta, përgatitet nga 3 farmacistë. Kërkesa për barna bëhet përmes një recete me dy kopje ku njëra ruhet në farmaci dhe tjetra në kartelën klinike”.
Ministrja e Shëndetësisë, Albana Koçiu, i ka konsideruar “një dru i shtrembër” mjekët e Onkologjikut, të cilët akuzohen për pazare me pacientët me tumor.
Në Komisionin e Shëndetësisë, ministrja Koçiu u shpreh se bluzat e bardha nuk kanë lidhje me këtë fenomen, të cilin e konsideroi të “shëmtuar”, duke shtuar se largimi i tyre do të forcojë mekanizmat për të treguar respekt të pacientëve.
Sistemi shëndetësor publik patjetër që ofron dinjitet për të gjithë pacientët. Ka nevojë për përmirësim?
Patjetër që po! Bluzat e bardha nuk kanë lidhje me këtë fenomen të shëmtuar, Siç kemi drurë të shtrembër kudo, patjetër do na dalin dhe rrugës, secili nga ne duhet të reagojë. Nuk mendoj se largimi i tyre do të bëjë çudira, por patjetër do të tregojë që duhet të forcohen mekanizmat për të treguar respekt të pacientëve.
Ata mjekë që ndodhi ajo që ndodhi do të jenë përgjithësim i sistemit, ishin një drurë i shtrembër në sistem, prokuroria do të bëjë hetimet.
Lajme të tjera
-
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Tiranë/ Ishte dënuar me 8 vite burgim për drogë në Shkodër, vdes te Onkologjiku i QSUT-së italiani 64-vjeçar! Pësoi arrest kardiak
19 Nëntor, 15:04 -
Interpelanca/ Shehaj vendos në Kuvend denoncimin e qytetarit në Report Tv për humbjen e djalit tek Onkologjiku! Ministrja Koçiu: Fatkeqësinë e një prindi e përdorni për kredo politike
14 Nëntor, 12:37 -
Kush refuzon 3 herë punësimin, humbet ndihmën ekonomike! In vitro falas për 150 çifte, protezë gjiri 600 grave me kancer
12 Nëntor, 17:07
-
Ekonomia/ Koçiu për buxhetin e Shëndetësisë: Hera e parë që kalon 1 mld euro, rimbursim ilaçesh për 400 mijë qytetarë, dëmshpërblim ish të përndjekurve dhe bonus bebesh
12 Nëntor, 13:13 -
Skandali tek Onkologjiku/ GJKKO i heq masën 'arrest shtëpie' mjekut Edmond Gashi, e liron kundrejt garancisë 20 mln lekë të vjetra! SPAK do e apelojë
11 Nëntor, 13:43 -
Hetimi për Onkologjikun, Gjykata e Lartë refuzon Apelin! Zv.Drejtoresha dhe specialistja në një dosje
9 Nëntor, 17:39
-
‘Hetimori’ i Shëndetësisë, dëshmon ministrja Albana Koçiu: Check-up e sterilizimi, vlerë e shtuar në shëndetësi! Akuzat e opozitës? Koncesionet arritën qëllimet
5 Nëntor, 17:47 -
QSUNT binjakëzohet me qendrën spitalore më të madhe izraelite, Koçiu: Gur themeli për përmirësimin e shërbimit onkologjik
4 Nëntor, 12:16 -
Godina e Kardiokirurgjisë në QSUT në rikonstruksion, Koçiu: Do pajiset me teknologjinë më të fundit
4 Nëntor, 10:20
