POP 5

Lajmet më të lexuara të 5 minutave të fundit

Politikë

Miratohet buxheti 3.2 mld lekë i bashkisë Shkodër, Spahia: Qeveria na ka lënë në harresë, marrim 7 herë më pak fonde për investime se bashkitë e tjera

Këshilltarët e majtë të bashkisë së Shkodrës miratuan me shumicë votash buxhetin për vitin 2023 me vlerë 3.2 miliardë lek. Kryebashkiaku i djathtë u kujtoi atyre se qeveria e majtë ka lënë në harresë Shkodrën, duke bërë dhe krahasime me qytetet e tjera. Sipas Bardh Spahisë, në 7 vitet e fundit Shkodra ka marrë 7 herë më pak investime se Korça.

Me 26 vota pro dhe vetëm një kundër të Lush Markut, Këshilli Bashkiak i Shkodrës që përbëhet nga socialistë dhe social-demokratë miratoi buxhetin e vitit 2023 dhe planin buxhetor afatmesëm 2023-2025. Infrastruktura rrugore dhe turizmi do të marrim pjesën më të madhe të fondeve vendore, tha kryebashkiaku Spahia. 

“Infrastruktura do pësojë transformim. Çdo investim do të nisë e mbyllet brenda një viti buxhetor, nuk do ketë më zvarritje të punimeve. Shkodra nuk mund të kuptohet pa turizmin, ndaj investimet do të shkojnë paralel me shërbimet në pikat turistike në luginën e Kirit, Theth, Velipojë, etc.”

Njësoj si paraardhësja Voltana Ademi, kryebashkiaku i djathtë Bardh Spahia kritikoi qeverinë e majtë, duke theksuar se në 7 vite ka miratuar vetëm 4 projekte, nga 42 aplikime që ka bërë institucioni i bashkisë.

“Shkodra ka marrë nga qeveria qendrore 7 here me pak fonde se sa Korça dhe Elbasani, 10 herë më pak se Durrësi dhe 5 herë më pak se Vlora dhe e gjitha kjo nuk mund t’i atribuohet mungesës së kapaciteteve por një qasjeje diskriminuese për një territor të tërë.

Rikonstruksioni i rrugës Tiranë – Shkodër si aksi kryesor që do të kishte një impakt themelor në përmirësimin e aksesit duke i dhënë zhvillim të qenësishëm të gjithë rajonit, ka vite që kërkohet për t’u realizuar.  Shkodra me 3 lumenj që e rrethojnë vijon të ketë urat ndërlidhëse të viteve 90 apo më të vjetra. Këto ura janë lidhja kryesore e qytetit në hyrje dhe dalje dhe investimet për rikualifikimin e tyre janë investime që duhet të merren përsipër nga Qeveria”.

Buxheti i Bashkisë Shkodër për vitin 2023 kap vlerën e 3.2 miliardë lekëve, nga të cilat 876 milion do të sigurohen nga të ardhurat vendore.

SI.E./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Muku: 28/12/2022 14:23

    Po mos ndoshta keni djegur fonde vitet e kaluara qe do te thote se nuk keni projekteeee. Ngri nje Sektor Projektesh ne bashki me.3 veta edhe apliko se ka fonde boll BE per programe nderkufitare, rinore, mjedisore. Leviz i cikw, mos prit vetem nga shteti

    Përgjigju
  • Bin: 28/12/2022 14:15

    Pse ma legen, me ke duhet te krahasohet??? Me Bilishtin??

    Përgjigju
  • legeni: 28/12/2022 13:33

    krahasohesh me korcen ti mer spurdhjak...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12